CoCo李玟逝世丨胞姊李思林心痛86歲母親白頭人送黑頭人腦細胞已死仍堅持到底

2023-07-06 02:28

李玟昨晚（5日）驚傳離世，終年48歲，其胞姊向粉絲、傳媒發放訃聞透露李玟在7月2日於家中輕生，延至昨日不治。李玟二家姐李思林（Nancy）今日（6日）凌晨向《星島頭條》透露對於妹妹離世心情，她形容「個心好似粉碎咗」，不李思林過最心痛的是已經86歲的母親白頭人送黑頭人，指媽媽未到40歲已經失去老公，當時妹妹才剛出生，含辛如苦養大女兒如今卻發生悲劇。

【點擊睇李玟與家姐照片】：

李玟胞姐李思林對妹妹的死訊難以接受。

李思林最心痛86歲的母親白頭人送黑頭人。

李玟今年初傳出與外籍丈夫11年的婚姻亮紅燈。

李玟二家姐李思林曾默認妹妹李玟（右）婚變。

李玟今年初度過48歲生日。

李玟於1993年返港參加全球華人新秀歌唱大賽奪得亞軍入行。

李玟成功進軍美國歌壇，奠定天后地位。

李玟於9歲時移民美國三藩市，一直讀到大學。

李玟與Bruce於2011年結婚。

李玟與Bruce當年在邵氏舉行世紀婚禮。

李玟耗資1.5億元的世紀婚禮舉行兩日，老公Bruce與兩位女兒（左二及右二）、美國歌手Bruno Mars（右一）一同上台Jam歌。

李玟近年多次傳出婚變。

有指李玟（右二）最心痛是兩個繼女幫父親。

李玟與二家姐李思林（右二）同樣經歷婚變。

李玟與兩個家姐感情要好。

李玟本來身材非常好，近年不斷暴瘦。

李玟生前照片。

李玟生前與家人合照。

李玟（左三）。

李玟早前曾於社交平台分享手臂紋身照片。

雙臂分別紋上「love」、「faith」，她指是自己在這困難的一年裡最喜歡的字。

李玟近月經常精神不佳。

李玟曾自揭只有93磅。

李玟年初曾自揭帶引流袋。

李玟近月雙手瘦到皮包骨。

李玟生前照片。

李思林說：「個心好似粉碎咗，過去呢幾日冇瞓覺，唔相信呢件事，我每次行入病房，睇住妹妹啲心跳儀器、呼吸儀器指數，每一秒盯住嚟望。嘟一聲個人係震晒，因為醫生話佢隨時唔喺度，叫我哋作最壞打算。」

李思林最心痛是已經86歲的母親，即使醫療團隊指，李玟腦細胞死亡仍然不肯放棄：「最心痛係睇住我年邁嘅母親，佢八十幾歲，佢由9點鐘企到11點鐘都唔肯坐低。我媽咪係一位中醫，佢係都要喺佢頭頂，因為話佢（李玟）腦細胞已經死咗，但佢死都唔肯放棄。睇到好心酸，白頭人送黑頭人，幾時會快樂吖？」

李思林同時感謝醫療團隊的努力：「初頭送入去都已經話冇得救，keep住都冇用，叫我哋放棄；但我話，我媽咪40歲唔夠就冇咗老公，我細妹就嗰時出世，一直由媽咪帶大佢﹐好辛苦養埋我哋，我媽咪已經86歲，畀個機會我媽咪，畀個機會我妹妹，就算有一線生機，都請佢哋幫手，所以我都好多謝醫生同護士，佢哋盡心盡力，我好感恩。」