獨家丨嘉盈霸氣回應憑夠膽自爆黑歷史出靚相散文集遭連登仔質疑冇資格

2023-07-07 07:00

近年經常現身ViuTV節目，擁33E好身材的網台「熊仔頭」成員嘉盈（王嘉盈），唔只撈埋電影，今年書展更會推出首本圖文並茂散文集《KAYING’s Wordings》，自認才疏學淺的她無意做才女，只想跟Fans分享感受，及畀自己留個紀念。書中敢言性格不變，但性感相欠奉，原來作風大膽的她都有嘢驚，但此舉就令網民相當失望。採訪：杜杜攝影：羅安強

嘉盈首次跟粉絲聚會只有50個籌，但都擔心冇人排隊。

因去年有出版社邀約，25歲的嘉盈好想試新嘢而答應，「我有兩個IG account，大嗰個有超過28萬人follow，細嘅得4萬幾人，所以有時心情唔好，好放心喊住打一堆嘢上去，出版社覺得啲隨筆幾得意，就搵我將呢個概念擺落書。」她強調並非想走才女路線，「朋友share時話我係才女，真係尷尬到漸凍症，老實講我真係才疏學淺，我見連登有人問我憑咩出書，憑我夠膽攞自己嘢出嚟講，講自己以前好鍾意講大話。」

嘉盈平時最愛在這個IG講真心話，亦成為今次出書的契機。

嘉盈在書中分享對事物看法，譬如如何愛自己。

嘉盈在書中分享對事物看法。

自製小禮物贈Fans

向來大方勁鍾意在IG分享性感靚相的嘉盈，今次出書竟走保守路線，她解釋：「唔想遞畀阿爸阿媽時尷尬，同埋睇返轉頭唔想有後悔感覺。」因未知仲有冇下次，自資近10萬的嘉盈可謂不計成本，「寧願貴少少，可以印得好啲，大家睇晒之後都有花瓶嘅作用。」至於銷情她並不擔心，「賣唔賣得都好，唔需要有暢銷呢個title，我都唔係寫書嘅人，只係送畀Fans嘅禮物，一個紀念。」

嘉盈IG內有大量噴血度極高的三點式照。

書中仍有着deep V大晒事業線的靚相。

書中的造型都由嘉盈親自設計，再搵攝影師拍攝。

一向喜歡復古造型的嘉盈，新書中當然唔少得。

將於書展舉行簽書會的嘉盈尷尬多過興奮，「覺得憑咩出嚟同佢哋聚會，仲要揸住支咪同佢哋講嘢。」除了簽名和合照，寵粉的她還準備自製小禮物送畀Fans，但就未決定當日衣著，「我着衫好睇心情，唔會因為要同觀眾近距離就包到實，最緊要靚。」而她亦唔擔心有瘋狂粉絲埋身，「我有個光頭經理人頂一頂，如果有啲瘋狂粉絲太有侵略性，我會嚴厲斥責，對Fans唔會齋呵，覺得唔啱會講。」