獨家丨黃劍文玩過《造星3》被插反骨大反擊 《中年2》變歌手翻生平台54歲鄭梓浩唔怕Out

TVB節目《中年好聲音》叫好叫座，奪冠的周吉佩亦鹹魚翻生，開音樂教室及全職做歌手。節目變成陳年過氣歌手翻生平台，所以《中年2》吸引大量行內人參加，包括39歲，2020年《全民造星III》第9名的黃劍文(Kimman)及54歲前新藝寶歌手鄭梓浩(Brian)。Kimman坦言13年前曾因母親離世差啲睇唔開：「既然執返條命，點解唔做返啲轟烈嘅嘢，令人生更加精彩？」至於Brian就好有抱負，重返香港樂壇都係靠呢鋪。採訪：方騫平 場地：The Stadium(黃劍文)、Iza居酒屋(鄭梓浩)

Kimman參加《中年2》想畀多個機會讓人認識自己。

54歲前新藝寶歌手Brian，多年嚟冇放棄過唱歌。

黃劍文好熱愛唱歌。

鄭梓浩Keep得好fit。

並非「樂壇白紙」的黃劍文及鄭梓浩，今次參與《中年2》海選，分別獲老友周慧敏及黎瑞恩支持。Kimman笑說：「我見『歌神』張學友都係咪不離手，就知佢有幾鍾意唱歌，喺佢身上得到鼓勵，鍾意做嘅嘢唔好放棄。」他承認《造星III》成績唔理想，今次參賽想畀機會自己做好啲，等更多觀眾認識自己。

Kimman(左1)，歌手林若盈(左2)、前港姐戚黛黛、呂良偉弟弟呂良國、演員顏仟汶參加《中年2》海選。

2020年，Kimman曾參加ViuTV的《全民造星III》，獲得第9名。

他承認《造星III》成績唔理想，今次參賽想畀機會自己做好啲，等更多觀眾認識自己。

Kimman參加《中年2》獲教友周慧敏支持。

鄭梓浩都有老友黎瑞恩力撐。

2007年出道的周吉佩憑《中年好聲音》鹹魚翻生。

Kimman被鬧咪再發明星夢

39歲的黃劍文屢敗屢戰唔怕被網民批評，他有感而發：「網上有千幾個留言，大部份係支持我，亦有抨擊我參加《中年2》好反骨、又叫我『算把啦，咪發明星夢』、『唔知佢係乜水』，其實我參加過多個比賽，包括TVB第一屆《超級巨星》，因為唔聽話慶功時飲到聲沙，最後30強止步。其實呢個世界大把人講嘢，好多不負責任，咁聽得邊個呢？定應該聆聽自己個心想點？」

黃劍文喺《中年2》出現，被網民指他反骨，幫ViuTV倒米。

Kimman解釋唔會錯過每個演出平台。

Kimman強調唔係發明星夢，只係鍾意做音樂，相信音樂的力量，亦跟他的經歷有關。單親家庭成長的他，26歲時經歷母親自殺的沉重打擊，於媽媽離世後5天，一度悲痛欲絕行出露台尋死，幸而腦海閃出需要他照顧的公公及婆婆，即打消念頭更從黑暗中振作，令他更相信音樂力量：「busking咗4年，試過有人喊住上前多謝及擁抱我，話我啲歌感動到佢，甚至打消咗傷害自己的念頭，哪怕只係感動到一個人，影響到一個人生命，我覺得已經足夠。既然當年執返條命，好多嘢都賺咗，點解唔做返啲轟烈嘢，放手搏一鋪令人生精彩啲？」
 

疫情前Kimman經常作街頭表演。

黃劍文busking咗4年，甚至由香港唱到海外。

因為相合音樂力量能感動到人。

媽媽離世後，Kimman跟公公、婆婆相依為命。

Kimman好孝順婆婆。

13年前Kimman曾有意隨媽媽輕生，𠵱家執返條命就唔怕會輸。

熱愛唱歌的黃劍文以獨立歌手身份自資出歌，新歌《餞別酒》紀念已故舅父。他承認3年疫情令他入不敷支，生活處於吊鹽水狀態，1年做兩首歌，每年動輒花12萬，再賺唔到錢，捱多兩年就耗盡積蓄：「做到冇晒錢我會認輸，但唔會放棄音樂，仍然會繼續唱歌。其實冇咗錢唔緊要，當係投資喺自己身上啫，可想而知我幾愛音樂，因為音樂係我人生一部份，可紓緩壓力。」

最近Kimman自資推出新歌《餞別酒》，紀念已故舅父。

飼養超可愛小貓。

鄭梓浩入行32年再戰樂壇

另外，鄭梓浩曾於1991年出道做歌手，亦出過兩張唱片，首本名曲有《一對妒忌的心》及《孤單的我》。定居紐西蘭超過21年，一直與家人經營西餐、甜品、中菜及髮廊等生意，因為唱歌癮發作，7年前撇低妻兒，簽公司打算重新出發，可惜事與願違，今次參加《中年2》希望再戰樂壇：「我唔怕俾人話Out，只要唱返啲啱年紀嘅歌就得，大家口味唔同，就算𠵱家樂壇多新人都唔會影響到自己。」對於自己的學生亦有參賽，Brian唔會有壓力，因為學無前後，達者為先。

Brian海選獻唱張學友的《我應該》，一鳴驚人，獲網民洗版支持。

Brian再戰舞台。

Brian當年跟彭家麗、莫文蔚及鄭嘉穎等好老友。

跟Brian(右1)同期歌星有天后王菲(左起)、李家明、鄒靜、劉彩玉。

陸家俊(左起)、鄭伊健、何寶生及鄭梓浩同係91年樂壇小將。

1987年跟黎明及劉德華齊齊上戴思聰聲樂課。

當年他(中)跟戰友蔡興麟、何寶生、彭家麗、蔡濟文合照。

鄭梓浩仲有一班鐵粉。

當年出席記者會同埸有彭羚、劉文娟、張智霖、何寶生、許秋怡、甄楚倩等。

Brian年前喺《流行經典50年》遇上家燕姐。

鄭梓浩為咗唱歌返港，兩子留在紐西蘭定居。

鄭梓浩多年來冇放棄過唱歌。

24小時求助熱線︰
生命熱線︰23820000
明愛向晴熱線：18288
東華三院芷若園熱線︰18281
社會福利署熱線︰23432255
利民會《即時通》：35122626
撒瑪利亞會熱線(多種語言)︰28960000
香港撒瑪利亞防止自殺會熱線︰23892222
賽馬會青少年情緒健康網上支援平台「Open?」：www.openup.hk
醫院管理局精神健康專線(24小時精神健康熱線諮詢服務)：24667350

立刻點擊投票👉🏻https://tinyurl.com/38dfzwtv

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ