獨家丨AGA搵啱對象隨時組識家庭　開心苦等3年終圓紅館夢

2023-07-04 07:00

AGA（江海迦）因疫情連續取消及延期首個紅館騷，苦等3年終宣佈8月底舉行《AGA ONEDERFUL LIVE 2023》。早前AGA外遊半年加閉關個半月成功改變歌路，歌曲《MIZU》亦成為五台冠軍歌，最近她再推出新歌《Miss u Goodbye》，而不斷工作的她承認都想組織家庭，但要遇到合適對象。採訪：杜杜攝影：羅安強髮型:Sing Tam@artify lab 化妝:Ricky Lau

AGA入行10年，認為是時候改變，早前趁住續約空檔放長假重整創作思路。

終於圓夢能在紅館舉行首個個人演唱會，AGA坦承過程得到不少人關心，「我之前同人傾親偈，一開始都係講演唱會，我試過搭的士都有司機問我幾時可以開返，某程度上好窩心，好開心出道到𠵱家為止，大家都會將焦點放喺我嘅音樂上。」終於再開騷，AGA特別要多謝每位為她打氣加油的人，會盡自己最大努力，以最佳狀態做好個騷送畀大家。

AGA好有信心這次首個紅館個唱，能如期舉行。

閉關個半月改歌路

AGA去年趁着續約後空檔，決心出走半年周遊列國，因她有感創作沒有突破，「啲人同我講驚唔驚人哋唔記得你，我寧願佢哋唔記得我，好過一路畀啲歌出嚟唔係我表達嘅嘢。」因此她旅行後返港即足不出戶，閉關個半不斷創作歌曲，「嗰個半月淨係研究啲歌點變，媽咪都話我黐線，我不停聽一啲我以前唔會聽嘅嘢，嘗試寫一啲以前唔會聽嘅歌，失敗咗好多次，開心最近出嘅歌大家覺得有突破，仲話值得等。」

為了成功改變歌路，AGA一度閉關個半月瘋狂創作新曲。

AGA改變歌路後第一首推出的《MIZU》，剛成為五台冠軍歌。

AGA剛推出新歌《Miss u Goodbye》，MV同樣在日本拍攝。

向來是工作狂的AGA，一直鮮有傳出拍拖消息，問到外遊半年有沒有艷遇，她笑言：「我喺愛情方面係冇咗條天線，哈哈！但呢段時間係識咗好多朋友。」追問她入行10年感情生活，她直認Dry爆，所以真命天子出現時，可能她就會決定組織家庭，「呢10年曾經都有啲可以發展嘅人嘅，但唔成事，可能遇到啱嘅人時就會成事，我都希望有日見到自己擁有家庭，不過等我做埋個騷先，哈哈！」至於揀偶條件，AGA認為最緊要雙方三觀接近，「要孝順、樂於助人，同埋好了解自己嘅人。」