警聲百二秒丨洪永城計劃帶女兒到沖繩旅行 笑認目的是「呃Like」！
2023-07-03 20:20 
洪永城（Tony）、何沛珈及李顯曜今日在西貢水警基地為《警聲百二秒》拍外景，洪永城指除了拍攝這節目外，因《阿媽唔信我去亞馬遜》因收視和口碑也非常高，故現時正籌備拍第二輯，而徵求網民意見後，現時會從西伯利亞、撒哈拉及北韓這三個中揀選，「撒哈拉我未去過，西伯利亞都去過一次，未成事，希望同上一樣帶J2ers睇新世界同埋傳授我功力比佢哋。」
【點擊睇《警聲百二秒》拍外景】：
洪永城又笑言有很多人自薦跟他一起去，但自己上次帶兩個已想死，而且帶多幾個人會很難控制場面，問到若跟他去有甚麼要求？他說：「要有冒險精神、唔怕死，好似《亞馬遜》咁食蟲跳落河，我哋目標好簡單，就係代表觀眾去旅行，試晒最危險嘅嘢，喺撒哈拉同蠍子搏鬥同跑馬拉松、西伯利亞最凍嘅地方零下60度唔着衫跳落河。係艱苦嘅，但承接上一輯冒險同歷險嘅精神。」
暑假在即，洪永城計劃帶囡囡Amber到沖繩旅行，不過要先問老婆梁諾姸是否得閒，因對方比自己更忙，提到早前去了遊船河，他說：「佢身形好，梗係出去show下。」而他又表示計劃年尾帶囡囡去滑雪，笑言自己的目的是「呃Like」，皆因小朋友着那些服裝很可愛。
何沛珈指首次身穿紀律部隊制服拍攝節目，由於要出海拍攝，故事前也擔心暈船浪，雖然自己不懂游水，但夏天也會去遊船河，但只限着泳衣打卡，又笑言早前在泰國買了很多泳衣還末有機會著，所以現時要積極做運動減磅：「夜晚著焗汗衫跑5公里，因為想要腹肌同馬甲線，而且之後做慈善騷司儀，都想瘦少少。」而現時52Kg的她目標是回落到49Kg，但她就笑指減肥減到爸爸嬲，因為跑完步回家後不開冷氣，令爸爸覺得好熱。
【其他文章】：
洪永城歲半女Sir Face被自己美貌吸引？ 停步欣賞摸肚仔沉思BB話超可愛
洪永城一歲女被阿媽硬餵頭咁大個麵包 Sir face與一人嘴對嘴網民驚呼：初吻咁快冇咗
洪永城囡囡Sir Face乸口乸面食檸檬 瞬間變臉燦笑開心到跳跳紥勁可愛
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應