靚湯爆馬明有隱瞞會變「天然呆」 指視帝陳展鵬好戲到信唔過
2023-06-22 02:29 
陳展鵬正忙於拍攝《逆天奇案2》，仍分身為《隱門》宣傳，他表示不怕辛苦，更笑言體會到男演員壽命比較長，因為女兒「小豬比」年紀尚小，笑言退休離他愈來愈遠，得知收視有好成績都好開心；而湯洛雯(靚湯)面對觀眾的評價，坦言已消化評價及反省，問可會請教視帝未婚夫馬國明演戲上的問題？她指對方好忙、未得閒，之後再慢慢請教。
展鵬指劇集主題是人性和隱瞞，問到對太太單文柔可有隱瞞？他笑稱：「我和太太冇隱瞞，返到屋企我啲戲變好屎，唔識得講大話！」靚湯笑指：「我都唔識分係咪講大話，啲視帝戲太好唔係好信得過。」對於未婚夫馬國明同樣是視帝，問是否逃不過她法眼？靚湯說：「佢冇呃過我，據我所知，如果佢想畀驚喜我，有隱瞞會變『天然呆』，如果我想要驚喜，就要隻眼開隻眼閉扮唔知了！」展鵬取笑她說：「同你拍劇嗰陣都唔覺你係咁好戲。」
立刻點擊投票👉🏻https://tinyurl.com/38dfzwtv
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應