隱門丨黃智雯過份投入角色慘變生人勿近黃子恆做「衰老公」睇到火滾：呢個人唔抵幫

2023-06-01 17:00

TVB劇集《隱門》昨晚（31日）播映第三集，黃智雯演的「心月」與「賊王」爸爸吳岱融「重聚」，隨即上映連場被虐打戲，想不到身邊還有衰老公「Mike」黃子恆以及毒舌奶奶盧苑茵，搞到黃智雯壓力爆煲，慘變「生人勿近」！

【其他文章】：隱門丨吳岱融為爆Seed狠樣「扯到行晒」網民讚癲過鷲哥封TVB 第一黐線佬

【點擊睇《隱門》第三集精采場面】：

呢幕飛銀紙落海好正。

好震撼！

吳岱融簡單幾吓逃亡動作好俐落。

身手依然靈活！

Mandy 獲讚愈嚟愈靚。

雖然黃智雯在劇中經常一臉苦情，但網民相當受落。

黃子恆飾演衰老公！

呢幕母子公審心月，睇到網民好激氣。

盧宛茵獲讚只要戚起條眉，唔使講任何對白都知佢係惡家婆。

入型入格！

好好戲！

心月成日都「有口難言」咁款

黃智雯話拍緊戲嗰陣放鬆唔到。

呢頭畀奶奶老公審完，嗰頭就接到葉嘯天電話。

葉嘯天真係坐都坐得惡霸過人。

黃智雯話被真摑先逼到真實反應出嚟！

真係有淚光架。

葉嘯天叫心月幫佢洗傷口時，都一副無賴相，引發唔少網民諗埋一邊。

黃子恆飾演衰老公！

黃子恆話喺對白方面冇太多顧慮！

最緊要觀眾睇得過癮！

葉嘯天「挑機講數樣」連環睇。

個樣好奸險！

又無賴！

真係好乞人憎！

Mike 知道被心月隱瞞真實身份多年後鬧爆心月。

黃子恆與Mandy有大量對手戲。

在昨晚播出的一集，黃智雯辛苦酬得的200萬在「葉嘯天」吳岱融與「阿Ray」陳展鵬打鬥期間全數跌落海，同時亦因被奶奶盧宛茵及老公黃子恆飾揭發借大耳窿慘遭公審。一波未平，見財化水的吳岱融繼續逼迫黃智雯，無賴地強行住在黃子恆遊艇之餘，並以「爆出二人關係」為由再向女兒勒索鉅款，其間黃子恆殺上門並揭破黃智雯一直努力隱瞞的秘密。

雖然黃智雯在劇中經常一臉苦情，但網民相當受落，大讚她多了分成熟美、愈嚟愈靚兼角色有新鮮感。談到角色要同時面對衰老竇、衰老公及衰奶奶連環逼迫，黃智雯笑言壓力爆煲，並指自己慘變「生人勿近」：「呢個角色一直唔可以坦率面對身邊人，身心靈又受到好大壓抑同威脅，其實係好痛苦。自己拍嗰時都放鬆唔到條橡筋，啲幕後話拍嗰時唔敢行埋我度。」黃智雯又笑指遭吳岱融打出「真感情」：「拍衝突場口，我哋大家都冇話特別留力，嗰種逼真感帶動到我反應更加真實，我覺得正嘅。」為了準備角色，黃智雯專誠上了一個短期心理學課程：「主要想了解番喺唔健康家庭成長、身心靈受創嘅小朋友，對佢哋日後成長有咩影響。」

今次兩人繼《降魔的》後再次合作，湊巧上一次黃子恆也是負責欺負黃智雯，今次黃子恆首集出場時已被鬧爆「衰到貼地」，單是死唔聽老婆電話，已盡顯其自私性格。黃子恆謂雖然曾涉獵過多種角色，但像「阿Mike」這種衰老公角色卻是第一次：「唔好話觀眾想打呢個衰老公，我自己睇劇本都覺得呢個人唔抵幫，有啲對白真係幾自私，又孤寒。呢方面編劇係應記一功，好短時間之內用有限嘅對白同劇情，將個角色塑造出嚟。」

不過黃子恆笑言自己沒有太多顧慮，最緊要觀眾睇得過癮：「因為都知呢個角色一定唔討好，但每套劇每個角色有唔同功能，既然方向係咁，我咪全心全意去做，最緊要觀眾睇完有反應。」至於做開惡家婆的盧宛茵，雖然角色惹人厭，但網民指她「只要戚起條眉，啲氣勢就係咁嚟」，大讚入型入格。