陳卓賢因病30歲生日瞓住過 自嘲年紀大身體差持久力弱咗

剛30歲生日的陳卓賢（Ian）今日到尖沙咀出席品牌新店開幕，過百名「Hellosss」（粉絲暱稱）帶同橫額到場支持。Ian早前在社交網自爆病倒，不過今日現身狀態不錯，Ian透露因上呼吸感染而患上咽喉炎，今日已好了很多，更笑言昨天跟自己說話時完全認不出自己把聲，醫生亦叮囑他要多休息，所以近幾天也在睡覺，而本月9日生日的Ian因病什麼也沒做：「生日瞓喺張牀，活動都出席唔到，隻狗最開心，因為我病嘅時候可以陪住佢。」

Ian透露因上呼吸感染而患上咽喉炎，連自己把聲都認唔到。

醫生叮囑他要多休息，所以生日都係瞓喺床。

他笑言，隻狗最開心，「因為我病嘅時候可以陪住佢。」

他直認近半年病多咗，可能年紀大、身體狀況不如從前。

Ian表示會補祝生日，加上媽媽生日及父親節，會一齊搞。

過百名「Hellosss」（粉絲暱稱）帶同橫額到場支持。

問最近經常生病的Ian會否叫公司減少工作量？他直認近半年真的病多了，可能年紀大、身體狀況不如從前，並指有機會是拍《冰上火花》時經常忽冷忽熱而積累下來：「我有信心之後唔病，由細到大都好少病，因為我以前係運動員，今次都幾嚴重，仲發燒。（燒到幾度？）唔知，因為我屋企冇關於數字嘅嘢，例如磅、溫度計，睇時間都係睇電話，今次真係還咗個好大嘅健康債。」

Ian表示會補祝生日，加上媽媽生日及父親節，所以會一起慶祝，雖然已準備好禮物給父母，但因媽媽會追他的新聞，故不方便透露：「節日上儀式感都好重要，講咗就冇驚喜。（折現？）成日都會，折現之外再加多份禮物，不過做仔都係偏心媽咪，我經常送禮物畀佢，所以好難諗，爸爸就少買（禮物），所以容易啲。（送個女友畀媽咪？）佢冇要求，等佢出聲再諗，不過相信佢都想我目前以工作為重，亦經常提醒我休息同飲食，相信媽咪最擔心就係我嘅身體。」

他指做仔都係偏心媽咪，經常送禮物畀佢。

他又稱自己寫歌的持久力差咗。

另外，Ian今年兩首派台作品《再見寧靜海》及《抱抱無尾熊》均成為叱咤冠軍歌，Ian直言覺得開心，亦多謝大家喜歡，而他透露生病時也有寫歌：「唔同嘅係以往會邊彈邊唱，今次只能彈，仲發現自己持久力差咗。」問到Ian哪方面持久力，他隨即大笑，並尷尬說：「寫歌！以前可以彈幾個鐘唔停，而家就10幾20分鐘就要休息。」

《星島頭條》新網站有更多精彩內容：http://www.stheadline.com/