獨家丨黃嘉雯求拍旅遊節目想瘋狂着泳衣 主持《超毛》好感性為淘汰者落淚

前港姐冠軍黃嘉雯（Carmaney）跟向海嵐、周奕瑋主持J2節目《超級毛特兒大賽》，Carmaney由面試到選出冠軍都參與其中，節目如同心血結晶，有血有淚，所以投入到會為淘汰者落淚。入行前Carmaney已想做旅遊節目主持，更唔介意狂着泳裝晒身材，大前提要靚。採訪：方騫平 攝影：羅安強 場地：Amelie餐廳@海運大廈

入行4年的黃嘉雯，樣貌及身材都唔差，可惜工作機會未算多。

林敏驄最識貨，之前在劇集《下流上車族》中欽點黃嘉雯做他的「小三」，仲要着三點式上陣，32C Big爆上圍受到注目。Carmaney多謝觀眾支持，她認為拍劇及做主持有唔同嘅挑戰，尤其《超毛》冇稿跟，要自由發揮，她較感性，提到動物生老病死都會喊。

在《下流上車族》中，林敏驄欽點黃嘉雯做「小三」。

 Carmaney透過《超毛大賽》有所啟發：「寵物生命有限，為佢哋花啲心機，點樣可以陪佢哋最多，其實寵物開心健康就夠，主人唔需要教愛犬做指定動作，要考慮清楚養狗究竟想滿足自己？還是單純做個陪伴者。」好有愛心的Carmaney考獲兩個美容師證書，平日親自照顧領養嘅4歲松鼠狗女，仲諗過做寵物美容及服裝生意。問到有冇試過發生寵物情緣？她笑說：「我就冇，試過有位太太睇中我狗女，想幫佢隻狗仔繁殖下一代，最後都冇做到。」

黃嘉雯為《超毛大賽》着泳裝亮相，超性感。

節目中Carmaney親力親為，帶埋愛犬做示範。

黃嘉雯、周奕瑋、向海嵐及動物行為訓練師Garay、造型照攝影師Tom齊做節目。

黃嘉雯為《超毛大賽》淘汰者感動落淚。

寵物開心健康就夠

Carmaney最大心願做到旅遊節目主持：「我鍾意跑嚟跑去試新嘢，就算瘋狂着泳衣都冇所謂，而且平日保持做運動keep fit裝備自己，應付唔同工作挑戰。」

Carmaney身高5呎7吋，三圍32C、23、34，著泳衣勁好睇。

Carmaney去瑞士旅行時大晒滑背，仲微露半球，好性感呀。

Carmaney好愛錫動物，早前考獲兩個美容師證書。

《星島頭條》APP經已推出最新版本，請立即更新，瀏覽更精彩內容：http://www.stheadline.com/