東張西望丨區永權以苦主身份報《東張》 採訪時再現高空擲物：入少少，我真係驚

《東張西望》主持區永權在節目中報道過不少觀眾遭惡鄰滋擾問題，沒想到區永權接受網民建議，以苦主身份報《東張西望》。區永權早於去年起，已多次就露台現「天降」雜物，曾多度與樓上住戶理論，亦找管理處投訴，可惜情況沒有改善。日前區永權第4度控訴惡鄰居高空擲物，今次更有多達逾10粒的玻璃碎，令他有感事態嚴重，已報警求助。區永權在節目中以苦主身份向主持魏柏豪吐苦水，其間就再見露台有新的高空擲物出現，非常得人驚。

【相關閱讀】：區永權第4度遭惡鄰高空擲物！露台驚現成地玻璃碎 遭勸搵《東張西望》：自己訪問自己

【點擊睇區永權以苦主身份報《東張》】：

區永權是《東張西望》主持，但今次以苦主身份現身節目。

區永權之前已在社交網公開飽受高空擲物困擾問題。

區永權重提之前露台的地磚被雨遮擊中，導致碎裂。

區永權展示被擊中位置。

區永權有影低證據。

區永權屋企的露台好開揚。

區永權跟住指向露台邊的位置。

曾經出現吸塵機棍。

吸塵機棍撞凹露台邊位。

仲出現過廚餘。

最新是玻璃碎。

訪問途中主持魏柏豪發展有玩具掉落。

區永權笑言已是「小意思」。

區永權之後又發現有一粒金屬螺絲帽。

區永權估計是最新的高空擲物。

區永權帶攝製隊拍攝時，又見到地上有玻璃碎。

由於前一日已清走玻璃碎，估計是第二度空降。

區永權坦言不知道是哪一戶所為。

之前見到有住戶拆棚，區永權曾與裝修師傅理論。

裝修師傅稱「拆棚係咁啦」，令區永權好無奈。

區永權採訪期間突然要求企入少少。

區永權直言好驚又擔心。

區永權坦言擔心所站的位置會中頭獎。 ​

太太因為緊張小朋友會受傷，已要求小朋友不要到露台。

區永權表示小朋友已有多年沒有出去。

區永權對接二連三發生高空擲物，大感無奈。

至於安裝閉路電視問題仍未解決。

曾有人提醒區永權要注意私隱問題。

區永權已問過管理處。

區永權沒想到自己有一日都要報《東張西望》。

 

區永權表示：「我住咗差唔多10年啦，間歇性都有一啲高空擲物事件發生嘅，喺呢一兩年更加犀利，試過喺露台你後面呢個位置，有一把遮跌咗落嚟，連成塊磚俾佢插爆咗，呢個其實係（傭人）姐姐干時晾衫或者做嘢嘅位置，如果把遮插中人咁點呢？」之後區永權又指向露台一處凹陷的位置說：「樓上唔知邊一戶飛咗成支吸塵機棍，我喺廳入面聽到嘭一聲，嚇到彈起，發現露台呢個位凹咗。」

多年來已間歇性有煙頭、火鍋牛肉出現，區永權大感無奈說：「最新露台呢個位置有10粒玻璃碎，（有個綠色嘅玩具又跌咗落嚟喎），好明顯飛落嚟啦，但係呢啲唔係咩新鮮事，小意思。我啱啱先見到呢度露台外面有一粒金屬螺絲帽，從上面飛落嚟，應該係新鮮滾熱辣，頭先同同事行嘅露台，又有新嘅玻璃碎。」主持魏柏豪問昨日傭人姐姐掃完又再有依家又有玻璃碎，有甚麼想法？區永權嘆一口氣說：「無奈！其實你都見到樓上有好多住戶，我都冇辦法知道知道係邊一戶。」

區永權曾為上層拆棚掉落的索帶問題，與裝傷師傅理論，但對方僅稱：「拆棚係咁啦」，區永權與魏柏豪站在露台做訪問，他認不住說：「其實好驚呀，你介唔介意（企）入少少呀，我真係驚，因為其實我企喺呢個位置同你講嘢，我都諗緊每次都冇中人，如果今次中人點呢？」他指太太最著緊小朋友，已同小朋友講盡量不要出去露台，估計小朋友已有多年沒有出過去。

由於今次玻璃碎事件，區永權已報警：「呢啲事情係一而再、再而三發生，呢次玻璃碎事件我都報咗警，佢都建議我哋嘅業主立案法疇會唔會裝Cam（閉路電視），但亦都有人同我講，咁樣有冇可能係會侵犯私隱。我每次發生事都有同管理處講，亦都有社交平台分享，希望嗰個唔小心、當佢唔小心嘅鄰居，下次小心啲，但每次發現喺社交平台嘅留言，都有一大堆（網民）叫報《東張》，我都估唔到有呢一日嘅出現。」

【其他文章】：

39歲李彩華有新戀情？離婚3年被指公然攬錫爆肌男 真相神逆轉

張崇德載16歲囝囝考試被貨車追撞 車尾嚴重凹陷玻璃全碎極驚險

熊黛林舉家遊日攜奶奶同行 網民留意一表情揭婆媳關係

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ