張頴康收老婆「造人」暗示欲追第四胎？苦呻陷經濟危機要考小巴牌

41歲張頴康與麥雅緻（Angie）於2012年結婚，先後誕下9歲大女「小豆」張雅喬、5歲二子「小花生」張迅橋和1歲多孻仔「小蛋黃」Maka，一家五口生活幸福美滿。出名是「廿四孝爸爸」的張頴康平日即使工作再忙，仍會抽空陪太太和三個寶貝仔女，雖然正趕拍TVB新劇《逆天奇案2》，但他近日都趁放假現身小花生的學校運動會，然而當日活動在36度高溫下進行，麥雅緻就大爆老公熱到忍不住在她耳邊細聲爆粗：「呢個活動係玩_啲家長㗎，吓話？」認真爆笑，不過麥雅緻指，為人父母何止要面對酷熱天氣，仲要同時教育及照顧子女心情，令他們明白志在參與、從中建立自信、如何反敗為勝。

【點擊睇張頴康吐苦水】：

《法言人》的演出受到不少觀眾都非常喜愛。 ​

《法言人》同張穎康的感情線令不少觀眾都非常喜愛。

張頴康與麥雅緻於2012年結婚。

二人育有9歲大女「小豆」張雅喬、5歲二子「小花生」張迅橋和1歲多孻仔「小蛋黃」Maka。

太太麥雅緻全職照顧三名子女。

讓張頴康可在外專心搏殺搵奶粉錢。

結婚咁多年都係好恩愛！ ​

張頴康一家五口住在大埔的三層村屋。

張頴康的超大三層村屋內部環境曝光！

飯廳放置了一張白色長枱。

旁邊是開放式廚房，空間闊落。

客廳空間感十足。

更可容納20人在家中開Party！

仲有陽台。

花園更打造成「私家水上樂園」！

仲有一個附滑梯的吹氣小泳池，好誇張！

正趕拍TVB新劇《逆天奇案2》的張頴康，近日百忙之中抽空出席5歲二子「小花生」的學校運動會。

當日活動在36度高溫下進行，熱到「小花生」流晒大汗。

麥雅緻爆料指，老公張頴康熱到忍不住在她耳邊細聲爆粗：「呢個活動係玩_啲家長㗎，吓話？」

麥雅緻指，為人父母何止要面對酷熱天氣，仲要同時教育及照顧子女心情，令他們明白志在參與、從中建立自信、如何反敗為勝。

兩公婆當日仲帶囝囝去食包慶功。

張頴康今日（3日）凌晨忽然於社交網「大吐苦水」，並貼出小豆和小花生各自抱B的燦笑相。

張頴康懷疑太太麥雅緻借仔女暗示想追第四胎。

好在太太麥雅緻解釋只是仔女貪得意攬住隻公仔玩，張頴康苦呻再生多兩個就要考小巴牌先搞得掂。

一班網民落井下石叫張頴康小心出「意外」，仲叫他考定牌。

為人父母甚艱難，幸有太太麥雅緻全職照顧三名子女，令張頴康可在外專心搏殺搵奶粉錢，惟今日（3日）凌晨他忽然於社交網「大吐苦水」，並貼出小豆和小花生各自抱B的燦笑相，張頴康寫道：「我老婆趁我唔喺香港嘅時候send咗呢啲相畀我！當我睇到嗰陣，真係嚇一跳！我心諗：1.唔通佢又想要小朋友　2.唔通佢想叫小豆小花生畀啲暗示我？」正當他懷疑太太暗示想追第四胎，令他大感恐慌之際，麥雅緻卻表示兩個仔女只是貪得意攬住隻公仔玩，即時鬆一口氣的張頴康續嘆道：「老實講，如果屋企再多兩個小朋友！我要考小巴牌先搞得掂呀！」不過一班網民就熱烈鼓吹他生多個：「可能佢兩個仲想要多兩個弟弟同妹妹呀」、「你都係去考定先啦！呢啲嘢話唔埋架！」、「揸拉頭好啲，車箱內間夠放BB牀」。

【其他文章】：

30歲林穎彤忽然富貴晒全身名牌 傳熱戀星級設計師身世悲慘曾街頭行乞

荷里活廣場兇案｜林作抽水出事即del post 借疑兇鞋款呃like一張相惹炮轟仍死撐：高人教的

唐寧召集《CYC家族》童星合體 何靈靈李佩蕙30年後激罕蒲頭冇走樣

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ