法言人‧大結局丨林夏薇晒劇照疑爆「金田CP」下場與馬國明做一事搞到抽筋

2023-05-12 19:00

TVB劇集《法言人》今晚（12日）將播出大結局，金師爺（馬國明飾）昨晚（11日）仍未脫罪成功，令劇迷非常關注結局，大家都希望劇中的情侶都可以有個幸福圓滿的結局。而今日（12日）林夏薇就率先於IG分享一張《法言人》大結局的劇照，疑似劇透「金田CP」下場。

【點擊睇《法言人》前情提要】：

金師爺唔想連累「友情歲月」選擇自辯。

熙少做咗新證人。

最新證據矛頭直指Adam同Grace。

謝雪心飾演嘅萬大狀都有新證據。

心姐同馬明大鬥法，相當精彩。

Grace尋晚一集出現多次心虛樣。

仲要TK臨死前真係企圖性侵佢，嫌疑好大。

據知今晚（12日）劇情繼續峰迴路轉，真兇雖然千算萬算，但最後竟然連「斷正的證據」就在自己身上亦懵然不知，作繭自縛。另劇組今日發布了「結局婚照」搶先睇，三Pair主角金師爺與佑家（林夏薇飾）、大雄（張頴康飾）與Hazel（蔣祖曼飾）、Will（黃嘉樂飾）與Coco（趙璧渝飾）有情人終成眷屬，更齊齊舉行「單車婚禮」向《友情歲月》致敬，似乎意味著金師爺脫罪成功。

而林夏薇今日（12日）就於IG為劇集《法言人》播大結局宣傳，留言指：「今晚大結局！一齊嚟見證友情歲月金師爺同田佑家的婚禮啦！」上載一張跟馬國明拍攝的婚照，疑似是想劇透馬國明於劇中脫罪成功，不過林夏薇都補一句：「今次會唔會係真，定係我夢境？」給劇迷留下懸念。

【點擊睇《法言人》大結局劇照】：

到底兇手是誰。

今晚大結局，金師爺最終用咩方法脫罪成功呢？

「金田CP」下場引關注。

疑似大團圓結局。

有情人終成眷屬？

林夏薇大晒與馬國明為劇集拍的婚照。

林夏薇似乎有所暗示。

率先劇透結局 ?

蔣祖曼現實中原來不曾穿過婚紗。

趙璧渝這件婚紗頗性感。

趙璧渝一跪成名，獲讚好型。

另外，TVB亦公佈了劇中三對人氣CP的婚照，馬國明與林夏薇相當甜蜜，除了攬到實一實拍婚照，其中一張鼻尖碰鼻尖的照片更是甜蜜滿瀉。之前為飾演「走佬新娘」兩度披婚紗的林夏薇，計埋結局已是第三度在《法言人》以婚紗露面，林夏薇受訪時亦笑言：「今次真係算着得最多婚紗嘅一次，雖然今次影婚紗相唔使係咁跑，不過都有難度，因為要坐喺架單車度，就住啲姿勢嚟影相會抽筋。」談到與馬國明的「金田CP」大受歡迎，林夏薇坦言有意外驚喜：「見到觀眾正能量留言好鼓舞，都希望有機會再同佢合作。」

造型方面，被封「冧樣擔當」蔣祖曼及「霸氣KOL」趙璧渝各有各性感，已為人妻的蔣祖曼，原來現實生活從來沒有著過婚紗，也沒有拍過婚照，今次是為劇集第三度披嫁衣，並透露今次拍婚照過程「臨急臨忙」：「首先冇乜時間試造型，第二係嗰日好多相都得我自己一個，因為阿康（張頴康）嗰日有嘢做，我哋拿拿臨影完合照放佢走先。」她又笑言自己是硬照殺手：「如果場結婚戲係郁住嚟做，我係Ok，但一影相我就會怕醜同尷尬。」

至於趙璧渝則坦言很感激家豪哥及陳志江給予這次機會，讓她嘗試了很多個珍貴的第一次：「首先十年以嚟，我未試過演咁霸氣嘅角色，因為我畀人感覺未必Carry到，所以對我個人嚟講係好大突破，同埋套劇帶畀我好多第一次，包括第一次上海報、第一次喺劇集片頭同片尾曲有鏡頭、第一次擁有咁完整嘅角色，第一次正式影有另一半嘅婚紗相，無論戴頭紗同戒指都係第一次；雖然只係影硬照，但都覺得成件事好靚。」談到角色Coco引發好評及迴響，趙璧渝表示：「好多親友甚至街坊見到我都會叫我Coco，又讚我造型好靚，同埋話我跪地嗰場好正好型，我真係好開心。第一次感覺到一個成功嘅角色會係點，當然背後係有好多幕後付出嘅努力去成就件事，我覺得自己好好彩。」