羅霖出動私伙Hermès拍劇做貴婦逆齡肌驚嘆網民大方公開神奇護膚秘方

2023-03-11 21:00

由黃宗澤、吳卓羲、王浩信、胡定欣等主演的邵氏劇《廉政狙擊》最近在無綫播出，一班演員演技備受關注，就連甚少參與劇集演出的羅霖，亦成功彈出成為網民熱話。羅霖在劇中飾演劇中大反派「卓廷光」黃智賢的太太，前期表現大方得體又賢慧，不過本周劇情卻有新進展，原來是個深藏不露的狠角色。昨晚（10日）播出的一集羅霖踩上門與「家晴」黃智雯談判，甫踏進屋內即左藐右藐，羅霖面目猙獰、皮笑肉不笑的演出，獲得激讚。

【點擊睇羅霖mean爆演出】：

黎燕珊與羅霖同樣是亞姐出身，兩人經常在活動上見面。

兩人現年同樣是58歲，不過黎燕珊要扮醜，而羅霖則繼續保持亮麗外表。

羅霖透露出動私伙袋拍劇，昨晚播出的一集就見到她拿着Hermès的Birkin！

前晚播出的一集，羅霖踩上門找黃智雯對質。

行為、舉止、對話，全程都mean到爆！

仲要嘴藐藐。

「審視」完一輪，卓太將手上面嘅紙巾一嘢掉落地下，仲要暗嘲家晴係垃圾，真係好尖酸刻薄。

瘋狂出口術奚落黃智雯。

呢個鏡頭將羅霖嘅美好身段表露無遺。

羅霖呢場戲用咗唔少肢體語言令個角色更立體。

呢個笑容真係好陰森呀。

羅霖在戲中高貴大方、儀態萬千。

今年58歲的黎燕珊平常保養得宜，今次在劇中要扮老，令不少觀眾都相當驚喜。

黎燕珊得悉胡定欣是她的親生女後，顯得惶恐又興奮，希望與對方相認。

不過由於二人之間誤會太深，胡定欣堅拒相認，更一手揈開對方。

雖然黎燕珊表面個樣勁激動，但其實觀眾依然可以感受到佢嘅心痛。

首次飾演奸角的羅霖，坦言接到角色一刻確實有點擔心「出街畀人鬧」，羅霖說：「後來諗深一層做演員就係要接受唔同嘅挑戰，所以就欣然接受同努力去揣摩。」談到事前準備功夫，羅霖指開拍前看了不少「尖酸刻薄」角色的演繹方法，並因而構思出一套屬於卓太的刻薄：「我覺得所謂上流社會，佢哋嗰種尖酸刻薄係帶住恥笑同嘲諷，同埋要有氣場。」羅霖續指劇集出街後收到很多正評，令她大感意外。羅霖又笑言三名仔仔也是她劇迷：「佢哋會畀意見我，每晚都會好緊張問跟住落嚟會點。」

除了演技，現年58歲的羅霖「逆齡」肌膚亦令網民驚嘆不已，談到護膚心得，羅霖透露全年凍水洗臉是重點：「我一年四季都用凍水洗面，凍水洗面會收細毛孔，如果用太熱嘅水會令到毛孔擴張，容易過敏。」至於如何維持美好身段，羅霖竟驚爆並沒有向澱粉質說不：「我會少食多餐，每餐食六成飽，每日可以食3、4餐，因為我鍾意食澱粉質，我就會食少啲肉。另外每日會做10至15分鐘嘅運動，比較喜歡伸展運動同瑜伽。」在劇中造型多變亮麗的她，還透露原來所有手袋及鞋子都是私伙，為配合角色相當落力。

而另一個高潮位則落到同樣58歲的黎燕珊身上，身為首屆亞姐冠軍的她捨棄靚樣飾演嘮叨傳統守舊師奶入型入格，像真度高。黎燕珊透露是刻意化老了自己：「因為劇入面啲仔女都已經長大成人，我必須要喺外型上配合番，擺低自己再化老啲先似佢哋媽咪。」

黎燕珊坦言很開心網民受落：「大家話平時我好亮麗，今次見我咁大犧牲，都話欣賞我嘅專業，好多謝大家。呢套劇內地開播時，網民話劇入面有10位演員演得好，我當時係排第四，好開心網民咁喜歡。」談到與定欣的合作，黎燕珊坦言「簡直係享受」：「因為大家都好重視合作嘅緣份，同演得好投入。依家每逢見到定欣，我哋都會用媽咪同阿女稱呼大家。」

【其他閱讀】：

郭可盈林文龍結婚19周年維港景前甜蜜合照高貴母親罕同框贈水晶比翼鳥留17字祝賀

陳婉衡3周成功減腩練出馬甲線遭質疑造假貼數據力證真實體脂勁減

盤點10位「高齡」星爸！張曼玉舊愛58歲做老竇為私生女離婚名導發展父女戀60歲喜獲小公主

《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ

關鍵字