獨家丨71歲程可為首公開被靈體索命險死 人生多奇遇遇賊入屋苦心勸收手

2023-05-27 07:00
Video Player is loading.
Current Time 0:00
Duration -:-
Loaded: 0%
Stream Type LIVE
Remaining Time 0:00
 
1x
    • Chapters
    • descriptions off, selected
    • captions and subtitles off, selected

      71歲程可為首公開被靈體索命險死, 人生多奇遇遇賊入屋苦心勸收手。
      71歲程可為首公開被靈體索命險死, 人生多奇遇遇賊入屋苦心勸收手。

      71歲的程可為(大姑),兩年前不獲TVB包薪續約,入行逾50年已回復自由身的她樂得輕鬆。約大姑做訪問,被她帶住穿梭時空,21歲曾遇過令她毛骨悚然的撞鬼經歷、51歲獨居時被賊仔爬水渠入屋行劫,大姑自言做人行得正企得正所以都能化險為夷,她寄語做人要實際,唔好佔人便宜:「欠債個數冇得走係要還嘅,個天會睇住唔會入錯戶口。幾多恐怖命案由愛到唔愛而動殺機,好危險呀。」採訪:方騫平 攝影:朱偉彥

      相由心生,大姑行得正企得正,愈老愈有福氣。
      相由心生,大姑行得正企得正,愈老愈有福氣。
      程可為人生好多奇遇。
      程可為人生好多奇遇。
      程可為冇諗過退休。
      程可為冇諗過退休。
      大姑首度向《星島頭條》公開曾被靈體索命險死經過。
      大姑首度向《星島頭條》公開曾被靈體索命險死經過。
      程可為認為靠自己最實際。
      程可為認為靠自己最實際。

      「御用阿媽」程可為效忠TVB 50年冇變過心,當年有電視台高薪挖角3次都不為所動,但兩年前改簽一年一騷,感覺被公司「離棄」,不過明白到近年經濟環境差,雙方冇對錯,目前已放下:「我唔傷心喇,TVB每年仲有一騷搵我,我一定會返去。」

      TVB告別作《隱門》,同劇有陳展鵬、黃智雯及盧宛茵。
      TVB告別作《隱門》,同劇有陳展鵬、黃智雯及盧宛茵。
      離開TVB後跟馬浚偉、陳秀珠及施匡翹拍港台劇《我們的畢業禮》。
      離開TVB後跟馬浚偉、陳秀珠及施匡翹拍港台劇《我們的畢業禮》。
      11年前於《女警愛作戰》中着低胸裝演出,身材超有料。
      11年前於《女警愛作戰》中着低胸裝演出,身材超有料。
      2003年程可為及郭可盈合作拍過《青出於藍》。
      2003年程可為及郭可盈合作拍過《青出於藍》。
      跟郭羨妮合拍《情越雙白線》。
      跟郭羨妮合拍《情越雙白線》。

      連環惡夢獲高人解救

      一直循規蹈矩,多年來從未傳出負面新聞的大姑有好多奇遇,她首次公開超恐怖撞鬼經歷,「50年前仲讀緊訓練班,當時家住九龍城唐樓,有晚收工喺樓下閘口聽到阿媽叫我乳名,之後持續6晚發夢都見同一副棺材,旁邊有對男裝尖頭鞋,然後有把老人家聲對我講『我好鍾意你,想你做我老婆!』夢中我就同佢理論話『大家係兩個世界嘅人,而且無仇無怨,根本冇可能一齊…』」及後媽咪安排她到附近的診所睇醫生,靠食安眠樂安睡,但10日後停藥惡夢再來襲:「嗰次佢仲叫我企上去花架,好彩我仲清醒知道咁樣做會跌死,嬲到爆粗。」但當時她已變到有氣冇力,失魂落魄,阿媽再次畀錢她去睇醫生,去診所路上竟遇上一位「高人」跟她說:「你我相遇係緣份,睇你個樣時日無多好論盡…」並教她返歸叫阿媽去一個地方,做一啲幫她保命的方法。說也奇怪,一直唔信她撞鬼的媽媽見她聲淚俱下,跪地求救後照「高人」說話去做,自此惡夢消除,不過,求救內容要一世保密。

      大姑年輕時經常擔任《民間傳奇》女主角。
      大姑年輕時經常擔任《民間傳奇》女主角。
      1975年她在《乘風破浪》嶄露頭角,之後成爲了TVB力捧花旦之一。
      1975年她在《乘風破浪》嶄露頭角,之後成爲了TVB力捧花旦之一。
      大姑(左一)、呂有慧及蘇杏璇,大姑稱自己唔係靚女,但夠端莊。
      大姑(左一)、呂有慧及蘇杏璇,大姑稱自己唔係靚女,但夠端莊。

      唔信有一生一世愛情

      問到遇上索命靈體是否跟「不婚之謎」有關?大姑唔敢肯定,但就一定跟信任有關:「𠵱家社會變化太大,出面引誘太多,自己都唔敢擔保一生一世愛一個人啦,何況要保證對方愛你?做人實際啲好,一定要靠自己,唔好佔人便宜,幾多恐怖命案由愛到唔愛而動殺機,好危險,唔好玩呢個遊戲。」

      大姑識飲識食,畀得起錢享受人生,但否認係隱型富婆。
      大姑識飲識食,畀得起錢享受人生,但否認係隱型富婆。
      大姑、馮素波、馬海倫、于洋都係受歡迎綠葉。
      大姑、馮素波、馬海倫、于洋都係受歡迎綠葉。
      享受人生。
      享受人生。
      約朋友歎吓下午茶。
      約朋友歎吓下午茶。
      經常去食好西。
      經常去食好西。
      唔會強求,有得做咪做。
      唔會強求,有得做咪做。

      勸賊仔勿再挺而走險

      另外,大姑又於31年前試過家中遇劫:「嗰晚個賊等我瞓咗先爬入屋,入房拍醒我,我裝作鎮定摸黑行去客廳畀咗7萬幾現錢佢,直覺覺得佢對數字幾滿意,感覺佢唔會傷害我,對方讚我鎮定仲要求同我傾偈,我就勸佢回鄉做啲小生意,唔好再挺而走險,仲打開大門畀佢離開,佢堅持喺邊度嚟就喺邊度走,我喺房睇住佢爬渠九秒九落返地下,好驚險,事後我都冇報警,但嚇到對腳係咁震。」大姑冇打算退休,現階段好享受人生:「我畀得起錢食嘢及揼骨,想開工又有人肯搵我,我好滿足㗎嘞。」
       


      《星島頭條》APP經已推出最新版本,請立即更新,瀏覽更精彩內容:http://www.stheadline.com/

      關鍵字

      最新回應

      關鍵字

      相關新聞

      You are currently at: std.stheadline.com
      Skip This Ads
      close ad
      close ad
      本網站正使用 Cookie

      我們使用 Cookie 改善網站體驗。 繼續使用我們的網站即表示您同意我們的 Cookie 政策。 Cookie 政策