蘇施黃完成化療3個月手腫麻痺腳板凸起 全日攤牀休養嚇親金燕玲

現年68歲的蘇施黃（阿蘇）今年2月拍片慶祝完成最後一次化療，由朋友見證下在家中服用最後一次口服化療藥。其間雖然有影片更新，但不少網民都指是舊片重推，蘇施黃昨日（23日）終於上載最新影片，交代已超過一個月沒有更新的原因，以及其抗癌後的健康問題。

【相關閱讀】：蘇施黃完成化療即去飯局 三大電台前巨頭「世紀晚宴」俞琤首度與港台人同枱食飯

【點擊睇蘇施黃病癒近況】：

蘇施黃去年發現患大腸癌第三期，曾在IG分享抗癌經過。

蘇施黃在片中自爆在口服化療第二周尾段，她與密友金燕玲不幸確診新冠肺炎。

蘇施黃笑說：「我都未出過街，肯定係賴金小姐啦。」

蘇施黃面對化療後出現不適反應，仍樂觀面對。

蘇施黃仲有活力同教練打波！

金燕玲近年兩度患癌，蘇施黃都陪伴在側，最後成功戰勝癌魔。

蘇施黃指金燕玲曾因為她不斷瞓覺而嚇親。

金燕玲於2021年拍片透露患上乳癌消息。

蘇施黃當年拍《蘇GOOD》時，已有類風濕性關節炎，舉步為艱。

蘇施黃今年2月最後一次去醫院。

蘇施黃透露整個化療過程的經過。

蘇施黃表示自己做完第三次化療後皮膚好乾，一除衫好似粉飛咁。

蘇施黃展示手指都見裂痕。

要咁樣搽Cream。

蘇施黃表示經化療所打的消炎針，竟然連雙腳的問題都醫好。

蘇施黃樂觀面對患癌。

蘇施黃展示所餘下的藥物份量。

蘇施黃準備食最後一次藥。

蘇施黃食完最後一次口服化療藥。

蘇施黃相隔一個月再更新YouTube。

蘇施黃表示自己完成最後一次化療後，基本時間都在瞓覺。

蘇施黃每日瞓10幾20個鐘。

蘇施黃每日瞓到迷癡癡，坦言最初嚇親金燕玲。

蘇施黃表示食過兩次中藥，竟然搞到右手手臂腫起。

蘇施黃展示手臂經腫脫皮。

蘇施黃隻手乾到脫皮。

蘇施黃公開手腫時的照片。

蘇施黃的右手腫到豬手咁。

蘇施黃又展示腳掌的照片。

蘇施黃的腳趾腫脹外，腳板前端亦凸起。

蘇施黃稱醫生表示情況會慢慢改善，但需時要一年。

 

精神不錯的蘇施黃坐在戶外拍片，她表示：「做緊化療療程期間，個人比較亢奮，用力去打呢個仗，反而當時都會拍吓片，之後就發現咁大個病之後，最重要係休養。我諗係做完化療同口服化療後一個月後，慢慢食中藥調理身體，問題逐漸出嚟，因為化療隻手腫起好大嚿，血管好硬，中藥食一個多星期慢慢好啲，上星期再去Check指數，非常好！」

蘇施黃指自己抗癌後發現一個養生方法，過程中曾嚇親金燕玲：「大病復元最好一個方法，唔使錢、唔使郁、唔使出外，就係瞓覺。我好想同大家分享，我好番之後點解唔拍片呢？因為我百分之八至九十時間用來瞓覺，平時朝早6點幾就醒，病好之後一樣6點幾就醒，聽完早禱錄音之後，平時就會起身行來行去，依家就反而留喺張牀度，唔係睇，而係合埋雙眼聽YouTube，唔好理瞓唔瞓著，總知唔畀自己起身，慢慢碌吓碌吓就會瞓著。」她每朝大約9、10時食早餐，在家中輕鬆散步，再返房瞓覺：「唔好胡思亂想，有乜工作或者煩事都棄權棄權，養番好個身體。其實我好短時已已經重返5、6磅，面色大家都話好，開頭嚇到金小姐不得了，我可以迷癡癡，食完晏2點幾去瞓，瞓到夜晚9點幾，煮好晒飯叫我起身先食飯，對我來講感覺似瞓極都唔醒咁，不分日夜，完全唔知幾點，呢個情況維持個幾月。」她透露現時很少外出，多數時間會躺在牀上或梳化。

而蘇施黃又展示右手手臂上乾燥脫皮，她指食中藥期間由手腕至手踭位置腫起，因食過兩次不同中藥令手部腫起缺水所至，更公開早前拍攝手部腫脹的照片。而她的右腳腳趾及腳板前端亦凸起，手指也有麻痺問題，她指醫生表示情況會慢慢改善，但需時要一年。蘇施黃好樂觀笑說自己等得，她會去打乒乓球，做有益身心的事，令自己更健康。

【其他文章】：

王曼喜與豪門同性伴侶美國逾4000呎愛巢曝光 花園兼私人泳池私隱度極高性感打卡冇難度

李璨琛強大基因父女BB相如倒模餅印 網民難分辨有冇Lucy：根本係同一個人

54歲鍾淑慧貼36年前選美相片惹網民驚訝 曾被野生捕獲脹爆身形自嘲會檢討

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ