世上只有爸爸好丨寶珮如透露溫裕紅「腹腔個瘤好惡」醫生尊重意願：後期冇再做任何嘢

2023-05-24 15:20

阮政峰、寶珮如及方紹聰等今日到尖沙咀出席電影《世上只有爸爸好》記者會，資深演員溫裕紅（Esther）於本月19日因癌病離世，寶珮如指溫裕紅對自己的病況很低調，不過一班朋友在過去幾年也一直陪著她：「近幾個月病情最差，佢腹腔個瘤好惡，一路長大好似大肚咁，唔可以躺平瞓覺，要不停做手術，為咗口福可以食嘢。」寶珮如又指溫裕紅是一個好勁的戰士，因為不停做手術，個肚也做到「花晒」，半個月前為了要吃也做了最後一次引流手術：「之後捱多個零月，情況越來越差，佢同醫生講都攰，唔想再醫，醫生都尊重佢，後期冇再做任何嘢，只係打重量嗎啡止痛。」她又謂溫裕紅現時在天家不用再受苦：「大家都祝福佢，希望喺天家再見。」

【相關文章】：溫裕紅逝世丨林建明透露溫裕紅近月病情急轉直下「都叫係解決」去年舉辦永別派對

【點擊睇電影《世上只有爸爸好》記者會相】：

寶珮如指溫裕紅對自己的病況很低調。

寶珮如席電影《世上只有爸爸好》記者會。

合作得好開心！

方紹聰、寶珮如、李霖恩和阮政峰出席記者會。

阮政峰在戲中與廖啟智有很多對手戲。

獲益良多！

阮政峰直言不滿意自己演出。

寶珮如又指溫裕紅是一個好勁的戰士。

寶珮如謂溫裕紅現時在天家不用再受苦：「大家都祝福佢，希望喺天家再見。」

寶珮如又指溫裕紅是一個好勁的戰士，因為不停做手術，個肚也做到「花晒」。

寶珮如指溫裕紅對自己的病況很低調。

合作好有默契！

齊齊出席活動。

《世上》是廖啟智（智叔）的遺作，阮政峰在戲中與廖啟智有很多對手戲，他表示因次拍戲覺得自己好像井底之蛙，能跟廖啟智合作感震撼和幸福，但阮政峰直言不滿意自己演出，他指廖啟智平日很少說話，問到對方有否教導他做戲？阮政峰說：「廖啟智有次喺車度主動問我喺訓練班學咗啲乜，當時諗可能佢唔滿意我表現先咁問，我為咗呢件事都崩潰咗3個月。」

阮政峰指事後有向對方解釋訓練班上堂跟實戰有距離：「後來佢話如果頭先場戲佢會選擇咁樣去做。」雖然當刻有點忟，但事後再想廖啟智可能希望他日後演繹時會有另一種角度，而不是「另一個廖啟智」。在戲中演廖啟智太太的寶珮如就指拍攝第一場戲就要喊到崩潰，故面對廖啟智壓力很大，亦有問對方如何演才有火花：「佢話唔使，你都拍咗好多，做番自己嘅嘢就得。」寶珮如指廖啟智平日少說話其實是在不停鑽研角色：「有場對手戲更被他帶住入戲爆喊，獲益良多。」