張學潤逝世丨吳綺莉太傷心唔想講嘢 連講四次「對唔住」 伍詠薇嘆：心痛

1990年只有17歲嘅吳綺莉青春無敵，唔止索爆仲係長腿女神，因而獲好友NelNel (張學潤)提名她參選亞姐並一擊即中摘冠，吳綺莉接獲好友噩耗傷心欲絕，她接受《星島頭條》訪問時連講4次「對唔住」，用沉重聲音說：「對唔住，我真係唔想講嘢。」

吳綺莉入行前已係張學潤好朋友。

當年索爆吳綺莉獲NelNel提名選亞姐，一擊即中摘冠。

NelNel眼光獨到，當年吳綺莉都幾索。

港姐袁詠儀及亞姐吳綺莉同屬高質。

NelNel為人隨和，圈中人緣唔錯。

當年劉娟娟任1989年亞姐競選形象指導，NelNel從旁協助娟娟，89年亞姐第四名嘅伍詠薇（伍姑娘）因而認識NelNel，伍姑娘對NelNel 死訊感愕然及好難過，一時間接受唔到說不出話來，因為NelNel仲係好後生。她嘆句：「心痛🙏🏻阿彌陀佛🙏🏻🙏🏻🙏🏻」

因為NelNel係亞姐形象指導，1989年伍姑娘便跟他結緣。

陳美儀梁欣娟銘記扮靚心得

2021年NelNel再戰亞姐選美出任形象指導，當年冠軍陳美儀感謝張老師的指導，她印象最深係NelNel好認真教學：「佢將好多自己嘅經驗分享畀我哋，特別提醒我哋注意保養，唔好20幾歲就出晒頸紋，𠵱家屋企用緊嘅洗面奶都係由佢推薦。佢除咗教我哋衣著心得之外，仲分享咗好多娛樂圈嘅經驗同埋選美之間小貼士，似係前輩交流多啲。 」

2021年亞姐冠軍陳美儀喺NelNel身上獲益良多。

喺NelNel指導下，2021年度亞姐冠軍陳美儀大方得體。

亞軍梁欣娟則對已故NelNel有話說：「繼第一次穿起你親自設計嘅晚裝參加《全球城市天使選拔大賽（香港區）》，經過你一番指導，小天使已經變成2021年亞姐亞軍，謝謝你多年來的細心教導🙏🏻願你在天堂開開心心。 」

《2021年度亞姐競選》冠軍陳美儀（中），袁群有（左）奪得亞軍，季軍梁欣娟（右）。

疫情下同路芙齊轉行

另外，路芙跟好友NelNel在疫情下曾一齊轉型做售貨員謀生，她對NelNel死訊十分傷心說：「暫時我都好傷心唔知講啲乜，多謝關心。」

張學潤、路芙真係好老友。

兩人互相扶持。

路芙跟好友NelNel在疫情下曾一齊轉型做帶貨，今年2月因工作飯聚。

當日工作不忘合照。

《星島頭條》APP經已推出最新版本，請立即更新，瀏覽更精彩內容：http://www.stheadline.com/