吳業坤日本老婆來港見廁所因一個原因即爆喊 求婚扮肚痛用錢買儀式感
2023-05-18 17:30 
今年33歲的吳業坤去年迎娶比他細4歲的日本女星濱口愛子，老婆婚後為愛移居香港，更積極學習廣東話融入香港生活，吳業坤亦相當疼愛老婆，不時帶濱口愛子四出食好西。吳業坤最近接受「蝦頭」楊詩敏與連詩雅網台節目《絲打圍爐》訪問，大談與愛妻濱口愛子的相處，自揭求婚過程外，還提到太太當初來港首次在浴室沖涼後，竟然爆喊。
【相關閱讀】：吳業坤日籍妻宣布添新成員 獲網民送祝福：要健康幸福長大
【點擊睇吳業坤與日本老婆】：
蝦頭在節目大讚吳業坤結婚後，變得較為成熟、有擔當，然而吳業坤卻自爆說是因為太太濱口愛子睇得明中文訪問：「我太太唔知點解睇得明廣東話訪問，佢會問我：『點解你嗰日咁講嘅？』我話：『平時同你講廣東話都講唔明，點解你會知我講乜嘅？』」原來吳業坤與老婆平常用日文溝通：「廢事講幾次佢先聽得明。」吳業坤透露在2018年已經開始學日文，當時去日本認識到一些藝能界的公司，又有翻唱日文歌，原本想看有無機會去日本發展，最後卻發展了一段戀情，還笑說自己「發展錯咗方向」。
移居香港前未曾來港
吳業坤表示老婆濱口愛子在搬來香港時，其實並未來過香港：「第一次就畀咗我！其實佢都幾有勇氣，諗返起其實都幾感動。佢當時喺日本慢慢發展佢嘅事業，佢會做主播、綜藝節目，後來佢搵到佢嘅興趣，做賽馬主播，佢喺日本已經認識好多人脈，不過都決定跟我過嚟。頭先你（蝦頭）話我變咗，佢都為咗我咁大犧牲，我都多咗份責任，都要改變一下。」
因為疫情關係，吳業坤當時曾與濱口愛子有長達半年未有見面，能夠從遠距離戀愛開花結果的他分享維繫感情的秘訣，「一定要搵啲共同嘅時刻」。有不少冧女招數的吳業坤指，兩人會同時看netflix，過時過節還會一同facetime碰杯、切蛋糕，保留儀式感；還試過網購禮物送濱口愛子，在送貨時facetime，給對方一個大驚喜。不過亦因為疫情，令吳業坤更懂珍惜，所以想盡快娶對方過門：「咁啱上年比較私人時間，所以冇咗自己人生大事先，安定咗，等世界運行返再衝刺。」
求婚狂飲紅酒扮肚痛
雖然吳業坤求婚普通，但亦充滿儀式感：「嗰陣我喺日本搵求婚餐廳，原來有好多plan俾你揀。我問佢嗰日使唔使返工，不如着靚啲，佢之後同我講返佢估到（求婚）。」吳業坤借腸胃較差的理由，不斷飲紅酒食乳酪扮肚痛，趁機換衫向濱口愛子求婚：「之後侍應民佢上2樓，佢都知道有啲嘢喇！」雖然吳業坤未有準備鮮花，但都有單膝跪地送戒指求婚，太太更感動到落淚，還有拍片留念，連詩雅好奇：「點解你仲拍到？」吳業坤直說：「畀錢囉！錢解決到嘅嘢，你知我幾有錢㗎啦！簡簡單單，有個儀式感。」
吳業坤又透露最近帶太太睇中醫，發現對方因不習慣香港生活而出現內在壓力、水土不服，更大爆老婆來港見到浴室竟然爆喊：「太家都知日本廁所係乾濕分離，浴室係浴室、廁所係廁所，香港廁所就偏細、冇浴缸，企缸行出嚟又成地濕晒，啲衫又堆埋一邊，洗手盤又有好多嘢，佢覺得：『點解呢度可以咁亂？』佢第一次喊咗出嚟，佢同我講佢好唔慣。」吳業坤笑說現在沖完涼會抹腳，平常亂丟的衣服太太會幫他執拾，不過就被太太鬧。
【其他閱讀】：
東張女神梁菁琳逼爆戰衣「邪惡」多角度特寫 引網民騷動激讚似「盜墓者羅拉」
G.E.M.鄧紫棋挑戰極限罕晒男友視角泳裝照 22吋見骨蛇腰嚇親李治廷
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應