網民尋寶丨哥哥著細碼泳褲大髀夾水泡引死人 劉華晒「巨鵰」偉仔露臍毛

近日網民尋寶，在「張國榮國際歌迷會群組」中搵到一張年青時期，哥哥(張國榮)着住湖水藍三角泳褲嘅陳年照，相中哥哥騎住救生圈企前排正中位置，雖然雙手撳住個圈，技巧地遮咗部份重要部位，但網民仍大呼着泳褲露腿嘅哥哥好Sexy，引死人，大讚「哥哥身形最Fit」、「哥哥最搶眼」、「哥哥擺出瑪麗蓮夢露姿勢好性感」。

呢張有哥哥、梁朝偉、劉德華、KK(張國強)、第一代「小虎隊」成員蔣慶龍、孫明光、胡渭康及戚美珍及蔣麗萍嘅泳裝相好經典。

戚美珍被批「飛機場」

同場還有同期受力捧嘅梁朝偉、劉德華、KK(張國強)、第一代「小虎隊」成員蔣慶龍、孫明光、胡渭康及身穿頭火紅色一件頭泳衣嘅戚美珍及當年唱《我為你狂》上位嘅蔣麗萍。相中個個都係嫩嫩的，網民評論個個好瘦，一班都係排骨精，身材如同未發育一樣，戚美珍更被批係「飛機場」。除泳褲look哥哥吸睛，高頭大馬，着住幼邊泳褲分腿企嘅胡渭康同樣好搶fo，網民指「當年最高最白嗰個係胡渭康」、「白雪雪滑脫脫」。至於坐喺最側面嘅黑黑實實劉德華笑容燦爛，信心滿滿展示「巨鵰」，網民話，第一次見劉德華着三角褲。最搞笑有網民留意到偉仔當年啲臍毛濃密非常，話《色戒》反而冇晒，指湯唯冇眼福了。

網民留言創意無限，好好笑。

 

蔣麗萍錯認成曼玉

有指呢張珍藏照係1983年初夏出版的香港電視官方刊物，由當紅嘅藝人着住泳褲講暑假節目，代號係「六星期加冰」。網民留言「難得的組合」、「好經典」、「青春可貴」、「很有懷念的一張照片」...但最多人唔識係「雙蔣」蔣慶龍和蔣麗萍，最搞笑有網民竟認錯蔣麗萍係張曼玉。

演唱會露點，正呀。

張國榮離世前出過幾本寫真集。

牀照好性感。

背面線條都引死人。

梁朝偉跟湯唯拍過《色戒》。

梁朝偉、張國榮露上身拍電影《春光乍洩》。

2001年梁朝偉跟周麗淇拍電影《同居蜜友》仲見有臍毛。

劉德華2010年於紅館䦒騷晒肌。

拍《獵鷹》時華仔開始操肌。

61歲型男劉德華。

初出道時，攣毛嫩口朝偉。

當年偉仔跟清純版張曼玉傳過緋聞。

初入行嘅梁朝偉。

年青時張國榮。

哥哥當年青春無敵。

60歲梁朝偉跟型男彭于晏近照。

年青時的劉德華與父親合照。

2009(左起)第二代「小虎隊」成員林利、蔣慶龍與胡渭康台上演。

 《星島頭條》APP經已推出最新版本，請立即更新，瀏覽更精彩內容：http://www.stheadline.com/