一舞傾城丨「Money」文凱玲演爛賭舞女狂拋巨乳 皮膚白滑真實年紀嚇親網民曾為上位拍三級片
2023-05-16 13:00 
TVB重頭劇《一舞傾城》昨晚首播，今次劇集由王晶監製，故事內容當然充滿話題性，第一集已經挑戰電視尺度，出現強姦戲情節，又有扯爛絲襪、逼舞小姐聞臭鞋等重口味畫面，演員方面除了有相隔7年再返娘家拍劇的陳法蓉外，還有不少熟悉的面孔，其中一人是港姐出身的文凱玲，今次她飾演一個高齡兼成日被「彈鐘」的爛賭舞女，13點帶點豪邁的性格，有點像當年吳君如在《猛鬼撞鬼》飾演爛賭舞女的影子！
【相關文章】：一舞傾城丨內地版海報曝光楊明冇影！疑因入獄變失德藝人 劇迷擔心被大量刪減戲份
【點擊睇《一舞傾城》「Money」文凱玲演藝生涯】：
談到《一舞傾城》的演出，文凱玲說：「我喺一班小姐入面係年紀大啲，咁啲客梗係唔鍾意，成日畀人彈鐘，為咗得到其他人嘅關注，所以化妝係會比其他人誇張，頭髮仲電到好鬈好鬈，成個公仔麵頭，好有80、90年代感覺。」其實當年文凱玲以27歲「趕尾班車」姿態參加2010年香港小姐，冠軍為陳庭欣、亞軍張秀文以及季軍是莊思明，不過落選的文凱玲未有加入TVB做藝人，反而繼續做空姐，她曾在訪問上表示自己是家中的經濟支柱之一，為免爸爸太辛苦，身為長女的她想幫屋企：「我爸爸做地盤，因為我有一個細佬同妹，變咗媽咪照顧3個人都好吃力，所以我15歲就出嚟做兼職，第一份工係派傳單，喺火車站天橋派，之後又做過快餐店收銀，賣過sim卡、水吧、地產等等……我都做過，零用錢要自己搵先有。」2004年香港大學心理學系畢業後，文凱玲選擇任職機艙服務員：「其實空姐如果肯加班都幾好搵，都有3至4萬，但我都俾一半以上屋企，同埋好多我都會儲起佢，以避不時之需。」
《一舞傾城》中的演出，文凱玲看來雖然比其他「小姐」年長，但仍然見到皮膚緊緻。她早年獲李蘊經理人賞識並簽約為旗下藝人，到了2014年轉投王晶旗下，以「晶女郎」的身份在電影圈發展，試過在《唐伯虎衝上雲霄》以及《鴨王2》有性感演出，後來在2017年轉型拍劇，先後拍過《賭城群英會》、《荷里活有個大老千》等等，不單成功入屋，更加洗脫三級女星的標籤，早年亦演出過ViuTV劇集《暖男爸爸》。
雖然入行多年星運平平，不過文凱玲已經很滿足，尤其近年有不少作品都有發揮的機會，她曾經表當年港姐落選後，感謝樂小姐的坦白。原來當時樂小姐勸她出外發展，更對她說在無綫要等10年才有機會上一線，文凱玲說：「佢係好老實咁同我講，我覺得係好事，佢可以氹我簽咗先，話大把嘢做㗎，但佢真係有為我諗囉，而諗返起當日簽唔到無綫，都以為自己再冇機會，嗰陣都好失落，咁亦都好彩之後有機會拍電影，亦做過女主角。」對於拍三級片帶來的負評，文凱玲笑言覺得有人鬧，好過沒有人理，所以一點都不介意。
【其他文章】：
77歲秦沛加國被集郵滿頭銀髮眉毛依然又濃又黑 身兼母職多年為子女移居
古巨基3歲囝囝手舞足蹈配趣怪表情跳勁舞 擘腿仲識定點擺甫士獲星爺認證是尹天仇接班人
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應