獎門人丨前港姐冠軍不幸「中招」連環尖叫勁嫌棄金剛成發洩對象遭忌廉瘋狂攻擊

2023-05-06 21:50

陳法蓉、蔡潔、莊鍶敏及傅嘉莉等組成《一舞傾城》隊，與《愛·回家之開心速遞》隊的滕麗名、呂慧儀及趙希洛等全女班，在明晚（7日）播出的《獎門人I Love媽媽感謝祭》擔任嘉賓。金剛在近幾集節目中回歸，經常獲「獎門人」曾志偉優待，讓他可啜勻幾位靚女嘉賓，其中一位更不幸主動獻身，真的錫中金剛。

【點擊睇獎門人靚相】：

獎門人志偉呢個花師奶造型真係正。

大家玩啜紫菜玩到連體嬰咁。

滕麗名玩得好投入！

瞓晒身去玩！

陳法蓉都玩得好肉緊。

玩到捧實文凱玲塊面。

但係當個對手一換咗係金剛，陳法蓉即刻忍唔住流露嫌棄樣。

滕麗名個樣好「藐」吓！

大家對金剛都好嫌棄。

陳法蓉唔小心錫到金剛肉嘴，大嚇一跳。

金剛呢個造型又真係……

阿滕質呂慧儀食麵嗰吓真係好狼死。

難得呂慧儀依然樂觀面對。

姚瑩瑩玩呢個遊戲玩到腳抽筋。右為何芷姍。

趙希洛真係被嚇死。

文凱玲「盲餵」莊鍶敏食蛋糕。

陳星妤（左）呢個動作，足以證明佢喺屋企有玩開workout，右為傅嘉莉。

傅嘉莉嘅遊戲能力值都好高，想睇就要留意節目。

陳法蓉嘅搞笑位係，條鱔都畀蔡潔成條捉起咗啦，但Monica都仲喺度尖叫。

呂慧儀好受「掟忌廉黨」歡迎。

佢自己當然亦有走去掟人啦。

佢同金剛激戰到走出錄影廠，服咗佢哋。

最後，佢哋獲安排終極對決。

但無論金剛贏定輸都好，佢都係注定接受忌廉洗禮。

「呂滕」組合相當合拍。

陳星妤同蔡潔都好有默契。

滕麗名啜乒乓。

輪到呂慧儀表現。

減到好瘦嘅姚瑩瑩。

沈可欣啜極都未啜到。

陳法蓉啜乒乓都要靚。

陳星妤輸經驗。

莊鍶明好透視。

傅嘉莉不知所措。

蔡潔嘗試打側嚟玩。

曾志偉帶領「獎老」錢嘉樂、阮兆祥、金剛及徐文浩擔任主持，五人抵死地以不同的經典「母親」造型亮相，當中以獎門人的花師奶最吸睛。「一舞傾城」隊有陳法容、蔡潔、文凱玲、傅嘉莉、陳星妤及莊鍶敏，「愛‧回家」隊則有滕麗名、呂慧儀、姚瑩瑩、趙希洛、沈可欣及何芷姍。

金剛久別回歸《獎門人》後經常有福利，除了在「開心無敵啜乒乓」中獲優待輪流啜勻「一舞傾城」六美女，在「開心無敵開口中」中又獲獎門人「厚待」加入遊戲大隊，更「精神分裂」一時成為「搶手貨」、一時又淪為眾人發洩對象慘被蹧躓，被忌廉洗禮的金剛更以半鹹淡廣東話笑說：「禾添唔倒哇」。瘋狂與爛玩程度與金剛有得揮的非呂慧儀莫屬，當呂慧儀「開口中」後，即遭四面八方而來的忌廉瘋狂攻擊，獲獎門人笑指「人緣好」；之後呂慧儀與金剛上演「掟忌廉版激戰」，喪跑至觀眾席之餘再玩到離開錄影廠。「人緣好」的呂慧儀在「開心無敵過過過」中則遭「好勝阿滕」盲餵意粉，結果慘變鼓起泡腮的「花臉金魚」。

至於肉緊代表則首選陳法蓉及趙希洛，當中以陳法蓉（Monica）最誇張。理應見慣風浪的她，傳紫菜時表現甚為緊張，為了爭勝數度捧着文凱玲面珠喪啜；到了在「表演賽」部分，陳法蓉又與「好勝阿滕」齊齊被欽點與金剛啜紫菜，二人輪流做出嫌棄表情，陳法蓉更因誤啜金剛嚇至連環尖叫。之後在「過過過」環節，獲安排玩「神秘箱」的她，見到箱中的大鱔嚇至花容失色，最後要「出貓」搵蔡潔幫拖。同樣負責挑戰「神秘箱」的趙希洛，則獲安排捉田雞，明顯受驚過度的她，出盡「九牛二虎之力」捉田雞，全程喪嗌之餘，更嚇到不斷「跳舞」。