獨家丨黃嘉樂演《法言人》太投入輕佻角色 Cut機Keep住玩被投訴

劇集《法言人》是黃嘉樂在TVB的尾二作品，劇中飾演富二代律師Will，性格輕佻有趣，不過，由於角色跟真人性格反差太大，嘉樂自爆為投入，戲內戲外Keep住High Energy，點知被劇組誤會做事唔認真玩玩吓，搞到要向監製道歉及解釋，好彩最後都明白晒，小事化無。採訪：方騫平 場地：ZENG@登龍街

回復自由身的黃嘉樂成搶手貨。

黃嘉樂在《法言人》中初次挑戰男主角。

黃嘉樂回復自由身半年，工作陸續有來。

嘉樂希望未來主攻內地市場拍多啲古裝劇。。

黃嘉樂在《法言人》中初次挑戰男主角，跟馬國明、林夏薇、張頴康情如兄妹，玩得好夾。平日內向的嘉樂為入戲，一反常態變得冇時停，就算cut咗機都主動撩對手傾偈，因此被唔同組別的導演誤會他玩得太犀利，工作唔認真，有日被監製捉住了解。

劇中黃嘉樂跟馬國明、林夏薇、張頴康情如兄妹。

黃嘉樂其實好用心演戲。

黃嘉樂跟馬國明、林夏薇、張頴康情如兄妹，玩得好夾。

回復自由身仲生活到

嘉樂形容接獲投訴感到好愕然：「雖然只係一場誤會，但可能自己過咗火位都唔知，而且跟導演唔係常合作，未必知道我為人係好慢熱，真係為咗Keep住High Energy先咁做，所以我都有向監製致歉，好彩監製同我合作咗好多年較明白我。」除此之外，角色唔專一，用對白交代常「換畫」，現實中他就鍾情老婆江惠賢（Samantha），坦言已遇上心動嘅女人。

黃嘉樂曾被劇組誤會工作玩玩吓。

雖然已離巢，但嘉樂仍落力做劇集宣傳。

黃嘉樂回復自由身半年，笑言大家都怕他冇嘢做，故搵他拍劇及出啲社交媒體廣告，他開心說：「咁我都仲生活到，希望未來主攻內地市場拍多啲古裝劇。

由於仲有《本尊就位》未出街，黃嘉樂對TVB未有依依不捨感覺。

跟好友唐詩詠及林子善仍然常聯絡。

兩公婆好恩愛，老婆做埋導師教他滑雪。

《星島頭條》APP經已推出最新版本，請立即更新，瀏覽更精彩內容：http://www.stheadline.com/