CHILL CLUB頒獎禮2023丨RubberBand出聲明向姜濤道歉深明尊重不同聲音的重要性

2023-05-10 21:49

RubberBand成員之一的泥鯭昨日就姜濤在《CHILL CLUB推介榜年度推介22/23》領「年度男歌手獎」銀獎時，用了近6分鐘向11位隊友致謝兼「示愛」，連環出post狂嘲︰「多謝說話定係『鼓勵』說話？！WTX？！係咪short X咗？！修哥都講唔出啦」，結果引起兩邊fans展開罵戰！今日在RubberBand的官方社交平台上公開道歉：「今次事件確實得到一場反思，在仍然堅信社會應要存在自由的言論空間的同時，我們亦深明表達手法、尊重不同聲音的重要性。」

【其他閱讀】：Chill Club頒獎禮2023丨姜濤屈居男歌手銀獎向11鏡仔逐個「表白」認跟AL多誤會跟一成員冇偈傾

【點擊睇RubberBand道歉全文】：

男歌手銀獎得主姜濤就逐一點名多謝MIRROR 其餘11位兄弟，更自爆跟某些成員交流少，以及曾與Anson Lo有誤會。

Alton（王智德）亦被姜濤點名祝福，指知道Alton一直很想有表演自己的機會，「我相信你總有一日會做到。」

至於Frankie（陳瑞輝），姜濤坦言跟對方平時可能連一句話都說不上，「但我知道你仲好努力搵緊自己目標，我相信你比《調教你MIRROR》時更清楚自己嘅目標，所以……加油。」

姜濤表示在MIRROR當中，令他第二佩服的就昳Edan，「你實在係一個非常非常全能、努力嘅人。」

姜濤將Anson Lo留到最後才點名。

姜濤認跟AL有過很多誤會。

姜濤將Anson Lo留到最後才點名，他表示：「我知道外界經常攞我哋嚟比較，我知道我哋好多支持者有時會因為我哋而有好多爭拗，但我想講我從來冇理過呢啲嘢，我想講我真心地……喺《全民造星》第一日開始……雖然我哋經歷過好多好多誤會，但我永遠都係最信你㗎！你知㗎！所以……I Love You（我愛你）。」而Anson Lo亦有點頭回應。

Anson Lo奪男歌手金獎時，提到家人一度感觸哽咽。

姜濤的言論引起不少爭議！

泥鯭先在FaceBook出po撐隊友兼「有骨」留言。

借勢連環出「地球(公開)PO」！

再轟ViuTV！

出PO狂轟！

今午更上載涉批評姜濤留言的截圖，並附上藍白封條，上面更打上「鏡安公署」並表示：「與有榮焉」。

網民留言。

泥鯭向來都很敢言。

RubberBand在英國展開首個巡迴個唱。

RubberBand今日為事件立道歉！

網民留言。

在帖文中，RubberBand以黑底白字的圖片留言：「對於隊友近日失言而引起的風波，我們感到非常抱歉。經過隊友間反覆討論，今次事件確實得到一場反思，在仍然堅信社會應要存在自由的言論空間的同時，我們亦深明表達手法、尊重不同聲音的重要性。對於是次事件引起之擾攘爭持，還有浪費了公共媒體資源，我們希望藉此向各受牽連單位及人士致歉！」

事件亦引起網民留言，有人說：「我鍾意RB，亦鍾意姜濤，點解？大家都忠於自己，大家亦願意承擔責任！香港跟其他地方有別，香港人受的高等教育讓大家有分析判斷力，大概容得下一句忠於自己發表的意見吧！這是香港人可愛及珍貴之處。RB加油！泥鯭加油！姜濤加油！」、「欣賞你哋出post表達想法，勇於面對輿論兼無冷處理已經唔容易，繼續支持RB#言論自由最重要係互相尊重」

今次事緣是RubberBand獲「年度樂隊」銀獎後，主音6號拍片道謝並稱多做音樂少做無謂嘢，泥鯭在FaceBook出po撐隊友兼「有骨」留言：「唱好啲歌先做啲小動作啦，＃全晚最啱聽嘅評語」，後來他更借勢連環出「地球(公開)PO」：「多謝說話定係『鼓勵』說話？！WTX？！係咪short X咗？！修哥都講唔出啦」、「攞終身成就獎嘅精神健康狀態」、「歌迷會夾份請個writer同看護俾佢啦要」。愈講愈興起的泥鯭到了頒獎禮接近尾聲時，再轉移焦點炮轟ViuTV並寫道：「嘩DLLM 頒唔尷尬，攞唔尷尬，唯有睇嘅尷尬」、「又一個大台的誕生」、「依家諗返當年亞太區最受歡迎男歌手真係『實至名歸』」、「下屆叱咜司儀會點玩呢段感言？」似是暗串ViuTV把三個男歌手獎全部給MIRROR成員，擺明偏幫自己友。

由於泥鯭的帖文是公開，於是留言一出，隨即惹起兩派粉絲罵戰，有網民洗版為MIRROR護航：「身為前輩講呢啲，抵你無運行」、「你哋以為自己喺樂壇大哥？無品！」、「雖然你哋一把年紀，不過仲有時間努力嘅，唔好再妒忌人啦」。甚至還有人仲牽扯到黃心穎身上：「留言同揀女人一樣無腦，要黃心穎」、「細路仔都恰上台講幾句嘢都得罪你？」不過亦有唔少人撐泥鯭反駁：「真係為你偶像好就叫佢正視佢問題，唔係盲撐他只是個孩子」、「唔啱睇就過主，做乜要去人哋FB度吠？」泥鯭就無懼負評，翌日更上載涉批評姜濤留言的截圖，並附上藍白封條，上面更打上「鏡安公署」並表示：「與有榮焉」。