Chill Club頒獎禮2023丨姜濤屈居男歌手銀獎向11鏡仔逐個「表白」 認跟AL多誤會跟一成員冇偈傾
2023-05-07 23:40 
由ViuTV主辦的《Chill Club 推介榜年度推介22/23》頒獎典禮，今日（7日）晚上在亞洲國際博覧館十號展館舉行。男歌手獎由MIRROR成員包辦，金獎是Anson Lo（盧瀚霆）、銀獎是姜濤、銅獎是Ian（陳卓賢）。Ian得獎感言簡潔，主要多謝製作團隊及MIRROR。而男歌手銀獎得主姜濤就逐一點名多謝MIRROR 其餘11位兄弟，更自爆跟某些成員交流少，以及曾與Anson Lo有誤會。
【相關閱讀】：Chill Club頒獎禮2023丨ToNick奪獎主音趙善恆即多謝MIRROR：令頒獎禮無可奈何設樂隊獎
【點擊睇姜濤台上「點評」11位鏡仔】：
姜濤指在台下想到如果有機會上台一定要說這番話，然後走到台邊逐一「點評」其餘11位MIRROR成員。姜濤表示：「Lokman（楊樂文），我記得頭幾年我哋內部有好多問題，大家睇《調教你MIRROR》嚟知道，但我知道經過《調教你MIRROR》之後，你有好努力成為一個好隊長，我好尊重你。」但姜濤點名提到Tiger（邱傲然），指未有兌現在《調教你MIRROR》中的承諾，一日跟Tiger都說不到一句說話：「不過我知道你好有天份……喺電影方面、唱歌方面……你都好有天份，所以繼續加油。」
姜濤更在台上「點評」Jeremy（李駿傑）最有進步：「你係最令我驚喜的一個人，老實講你喺《全民造星》嘅時候，並冇太多留意你。」Jeremy即時作狀扮生氣站起來，姜濤續說：「我覺得你係咁多個成員之中，真係進步得最多的一位。」Jeremy在台下大比心心回敬姜濤。Alton（王智德）亦被姜濤點名祝福，指知道Alton一直很想有表演自己的機會，「我相信你總有一日會做到。」至於Frankie（陳瑞輝），姜濤坦言跟對方平時可能連一句話都說不上，「但我知道你仲好努力搵緊自己目標，我相信你比《調教你MIRROR》時更清楚自己嘅目標，所以……加油。」另外又笑指AK（江𤒹生）脾氣依舊火爆，但亦知道對方很努力，亦很尊重對方。而說到Ian，姜濤第一句就說「I Love You」，指為他值得擁有的一切而驕傲，見他得獎都很替他高興，又祝福Stanley（邱士縉）可以成為一個很好的演員、希望Jer （柳應廷）繼續堅持自己的音樂路，姜濤指自己也同樣堅持。
而近年走全能路線的Edan（呂爵安），姜濤表示在MIRROR當中，令他第二佩服的就係Edan，「你實在係一個非常非常全能、努力嘅人。」姜濤將Anson Lo留到最後才點名，他表示：「我知道外界經常攞我哋嚟比較，我知道我哋好多支持者有時會因為我哋而有好多爭拗，但我想講我從來冇理過呢啲嘢，我想講我真心地……喺《全民造星》第一日開始……雖然我哋經歷過好多好多誤會，但我永遠都係最信你㗎！你知㗎！所以……I Love You（我愛你）。」而Anson Lo亦有點頭回應。
Anson Lo奪男歌手金獎時，提到家人一度感觸哽咽，他更表示：「啱啱姜濤講嘅……外界嘅紛爭啦、比較啦，我哋係冇辦法去Stop（阻止）任何嘢嘅，但係我知道呢樣嘢係永遠都會存在，冇嘢係可以阻擋到我哋12個一齊嘅力量，無論報紙點寫、無論網上任何一個留言點寫，我哋做嘅嘢都只會一樣，就係繼續努力！」又指即使有評論想分化他們12子，他們會繼續用表現跟大家說：「我哋永遠都係MIRROR，多謝！」
【其他文章】：
Chill Club頒獎禮2023丨江華女以新人身份登場！遺傳媽媽麥潔文音樂天份 曾被批醜樣受打擊
Chill Club頒獎禮2023得獎名單＋全場直擊｜Anson Lo奪男歌手金獎 姜濤得銀獎揭MIRROR好多紛爭
Chill Club頒獎禮2023丨衛蘭勁脹包包面撞樣楊千嬅 沈殷怡收起噴血上圍齋晒長腿都夠睇頭
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應