法言人丨陳少邦爆SEED演惡霸要有「進化」為家計拍三級片：諗過放棄做演員
2023-05-03 19:00 
與林峯、楊怡同屬TVB第十三期藝訓班出身的陳少邦，入行多年星途浮，在2012年曾轉投王維基的香港電視，本來在劇集《還來得及再愛你》飾演頭號奸角Marcus，正當以為有機會在娛樂圈發圍，但港視不獲發牌而令他夢碎，有一段時間邦試過北上發展，直到近年以部頭形式回歸TVB，最近劇集《法言人》飾演惡霸富商，因不滿林夏薇擔任前度的律師而要分身家，試過向林夏薇淋紅酒報復，在昨晚播出的一集，他又不滿林夏薇再為前度打贏官司，一怒之下在停車場試圖以車高速駛向林夏薇，在爭產案又被踢出局，令他大感不滿，今次他爆Seed式演出亦備受討論！
【相關文章】：法言人丨蔣祖曼屬「最強繼母」又一典範 視繼子如己出：愛一個人，就要愛他的全部！
【點擊陳少邦《法言人》癲狂演出】：
陳少邦過往多次演出有錢奸角，所以今次對他而言實在「冇難度」，但他笑指今次有所「進化」：「家豪哥同志江哥開劇前同我講，今次角色比之前嗰啲再勁啲，雖然都係有錢奸人，但係篇幅同牽涉嘅嘢多好多，就算我冇出場，TK個名都會講足全晚，等觀眾可以真係認識到呢個角色，一個有錢人＋惡人＋野蠻嘅混合體。」他更直言現時目標望有提名，「如果有得提吓名當然最開心，唔使攞獎架，係想有個肯定同對自己有個交代。其實聽到同事話有網民提起自己，已經係好大鼓舞。」
其實陳少邦中學時已參加過由《Yes!》雜誌舉辦的校花校草選舉，同屆校草冠軍是同校同學袁偉豪，到了1999年加入TVB第13期藝員訓練班，與林峯、楊茜堯、楊明及徐榮等人是同學，畢業後加入TVB工作，雖然星途不及林峯和楊茜堯，但依然無損大家的友情，林峯試過在聚會上為大家訂製金牌，金牌上的圖案則是他們的合照，代表大家感情不變！到了2012年，陳少邦決心轉投香港電視，本在劇集《還來得及再愛你》飾演奸角Marcus，等了多年以為終可發圍，豈料港視不獲發牌，之後更曾北上發展，有一段時間陳少邦走去做健身教練：「我諗過放棄做演員，但諗嚟諗去始終自己都係想做戲。」
雖然事業發展不理想，但幸好澳門主播女友鄭加盈一直都很支持，兩人在2016年結婚，並開始負起養家的責任，在太太的支持下，2017年豁出去接拍中港台三地合拍的情色電影《有罪》，劇情改編自真人真事的李宗瑞性侵案，他飾演色魔台灣富二代李宗瑞，近年終於重返無綫，演出機會較以前多，劇集一部接一部，先後有《法證先鋒IV》、《逆天奇案》、《再創世紀》、《解決師》等等，等住播。陳少邦話希望好似陳山聰咁樣，遇到《金宵大廈》呢種好劇，令事業可以反彈：「我都有睇《金宵大廈》，希望有機會參與續集，咩角色都不介意，最重要有得做。」
到了2021年，兩人榮升做爸媽，陳少邦曾於IG分享喜悅：「1+1=2，2+1=3，以後我哋要三個人一，我愛你們！爸爸這個名字終於用得上啦，我會再努力令你地過得好幸福快樂！」他又試過PO囡囡瞓覺相片並說：「對女兒說：「曾經我唔相信世界上係有天使，直到我遇到你媽媽，我相信了！到而家你嘅來臨更加令我相信世界上真係有天使㗎，仲要畀我遇到！我只能夠用我生命去愛你哋同保護你哋。雖然我同你哋唔同，我只係一個愛你哋嘅凡人。」陳少邦現時更變成「寵女狂魔」，經常PO囡囡的相片！
【其他文章】：
森美「破處」確診新冠變聲柴房隔離 《早霸王》三DJ同時中招節目明復常
妙手仁心｜混血童星躍身變Chok爆大隻機師 「陳豪仔」宣布封盤爬廖碧兒頭成家立室
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應