法言人丨朱滙林港大畢業真正Law霸男神碌人情卡搵清洪做「法律顧問」咁高學歷因乜決心入TVB？

2023-04-25 13:00

TVB劇集《法言人》有很多法庭個案，據總監製劉家豪及監製陳志江透露，編審團隊為了呈現準確的法律知識及審訊程序，除到法庭旁聽，請教律師、師爺及法官外，原來背後有位「幕前功臣」，他就是劇中飾演麥大狀的朱滙林（William），這位畢業於香港大學法律學院的高材生，不但給編劇團隊提供大量法律書籍，還為劇組牽線，到訪清洪大律師的律師樓，更義務幫忙糾正在劇本上每個有關法律的字眼。

【點擊睇朱滙林演出】：

2010年入行的朱滙林原來已經40歲。

在《法證先鋒IV》中與「張龍」黃耀煌、鄭俊弘、陳煒及黃浩然等合作。

以往經常在梅小青監製的劇集中出現。

朱滙林在《法證先鋒IV》中飾演法醫。

朱滙林專心搜證。

與黃浩然同場幾型。

《使徒行者2》都有份。

朱滙林為愛狗之人。

拍過2020年播出的內地劇《那江煙花那江雨》。

演出新版《十月初五的月光》。

2021年起主持新城電台節目《朱多嘢講》，與程凱欣訪問鄭俊弘夫婦。

在《換命真相》中演蔣家旻的賤男友Brian。

《星空下的仁醫》戲份不多，但劇中太太是陳自瑤。

最為觀眾印象深刻或是《愛回家》「潮生」袁文傑的助手「阿鬼」。

與《愛回家》演員一同上《思家大戰》。

在《法言人》中飾演律師。

雄辯滔滔，原來是港大法律系高材生。

出身於名校聖若瑟書院。

劇中與阮嘉敏演一對。

兩人拍攝緍紗場口，相當登對。

戴上眼鏡的造型，斯文靚仔。

劇中林夏薇悔婚。

朱滙林為《法言人》的「法律顧問」。

終於達成做律師的心願。

朱滙林指這個眼鏡Look是由總監製劉家豪建議。

朱滙林與馬國明有不少對手戲。

表現緊張，原來劇中講述他有情緒病。

與林夏薇重逢已釋懷。

朱滙林與清洪多年來保持良好師徒關係。

於高考考得2A2B考入香港大學法律學院的朱滙林，當年修讀法律時曾到清洪律師樓當暑期實習。為了幫助《法言人》編審團隊，他碌盡人情卡：「我有幫手約律師，有啱啱畢業準備做大律師、又有做咗一段時間嘅，同埋約咗個做師爺嘅Uncle，等編審可以了解佢哋嘅工作。」難怪監製陳志江也大讚他很幫忙，「佢為咗解答我哋啲問題，睇咗好多同法律有關嘅書同新聞，因為佢話驚自己未必Update，所以要做好多功課，又幫手打咗好多電話去尋求專業意見。」

朱滙林卻不敢邀功，指劇中不少細節位，都是編審們親身到法庭觀察得來：「例如用螢光筆間講辭反擊對方呢啲細微嘢。」不經不覺，2010年入行的他現已40歲，畢業多年竟能與清洪維持良好關係至今，他也笑言：「如果當年有繼續考牌，我會真係跟佢做大律師，我到依家都叫佢師傅。清洪好好人，喺Site Visit時同啲編審傾咗好多偈。雖然嗰時暑期工只係兩、三個月，因為每日都要對住，仲要唔係淨係Office Hour，要學埋Social ，因為學識放鬆對律師好重要。」

中學時就讀港島區名校聖若瑟書院，自小已成績優異的他，最大志願竟非做大律師，而是加入TVB拍劇，皆因他是「百分百電視迷」：「讀Law之前我不嬲都想讀藝訓班，但咁啱嗰幾年冇公開召募，咁咪同自己講：『繼續讀書啦』。當年好彩考到好成績入到法律系，本身都諗住做律師，但好衰唔衰睇到《衝上雲霄》，就想去考飛機師。我第一次考試係衰咗，但因為一年內唔可以再考，咁就我做住空少先然後再考，點知都係唔得。」

結果朱滙林25歲時透過Tvbeople比賽加入TVB，起初主要負責主持工作，曾主持《東張西望》及《都市閒情》等，苦等三年才真正有機會圓夢拍劇。他說：「我想入TVB做演員，純粹係因為鍾意TVB嘅劇，因為由細睇到大仲要停唔到。記得當年高考，我要睇完《十月初五的月光》同《男親女愛》先可以瞓，呢個係我唯一減壓方法。」

雖然朱滙林青靚白淨，且品學兼優，但他在演藝路上仍未有代表作，較為人熟悉的或是《愛回家》中演「潮生」袁文傑助手「阿鬼」，今次在《法言人》中演律師，能學以致用，又分別與林夏薇及阮嘉敏有感情戲，成功引起關注。他坦言很喜歡麥大狀這個角色，皆因《壹號皇庭》系列是其熱愛劇集之一。他說：「我兒時夢想都有諗過做大律師，我終於做到，所以著起袍試造型時好感觸。現實做唔到嘅，都起碼劇入面做到，叫圓咗個心願。」他更直言早年省吃儉用想開餐廳，就是想有穩定收入來源支持自己繼續留在TVB拍劇，果然有決心。