鍾嘉欣湊三子女會胡杏兒一家五口「全院滿座」網民提議搵埋鄭嘉穎陳豪兩家儲夠一打小朋友

2023-05-03 12:00

現年38歲的鍾嘉欣2015年嫁脊醫老公Jeremy Leung，返回加拿大溫哥華定居，婚後專心相夫教子，先後誕下兩女一子，細女Anika Linda Leung去年10月底出世，目前剛剛好半歲大，肥嘟嘟勁可愛。最近鍾嘉欣湊三個子女返港，早前出席楊茜堯（前名楊怡）囡囡的生日會，又湊子女到迪士尼樂園玩，行程忙碌又充實。昨日（2日）鍾嘉欣再貼新相，見她與好友胡杏兒聚會，鍾嘉欣的三個子女，加上胡杏兒的三個囝囝，陣容好龐大！

【點擊睇鍾嘉欣胡杏兒重聚】：

鍾嘉欣2015年嫁脊醫老公Jeremy Leung，2016年初才在加拿補擺喜酒。

鍾嘉欣去年4月宣佈陀第3胎，10月誕下囡囡紫琳。

由一家四口變成一家五口。

鍾嘉欣去年10月誕下細女Anika。

鍾嘉欣新年將Ankia扮成兔仔在IG拜年。

鍾嘉欣最近返港頻頻與TVB的好友見面，早前帶住兩個囡囡參加楊茜堯女兒的生日會。

鍾嘉欣更一打三，湊住三個小朋友遊迪士尼樂園！

之後鍾嘉欣又被網民野生補獲，與李亞男一同湊仔女遊海洋公園。

胡杏兒與李乘德2015年12月結婚，先後誕下三個得意囝囝。

胡杏兒經常將3個囝囝裝扮成不同主題，吸引不少網民關注！

胡杏兒與老公經常湊住3個囝囝，一家五口周圍玩。

胡杏兒與鍾嘉欣是TVB同期花旦，兩人原來也是好友！

2012年曾經合作《耀舞長安》。

2013年曾經一同到韓國拍TVB節目。

2017年曾經一齊出席新年活動。

鍾嘉欣2019年返港時，也有帶大女與二仔與胡杏兒和她的大仔聚會。

鍾嘉欣昨日貼出與胡杏兒的歡聚相，子女陣容好龐大！

鍾嘉欣大女Kelly與胡杏兒大仔Brendan。

鍾嘉欣二仔Jared與胡杏兒二仔Ryan。

鍾嘉欣細女Anika與胡杏兒細仔Liam。

全院滿座，胡杏兒家中的大梳化也坐滿人！

竟然吸引到王君馨想生3個！

有人笑說可以找鄭嘉穎、陳豪兩家人，剛好儲夠一打小朋友！

鄭嘉穎與陳凱琳四年抱三！

陳豪與陳茵媺亦有三個小朋友！

鍾嘉欣最近回港不斷相約以前的TVB花旦好友聚會，先帶着囡囡參加楊茜堯囡囡「小珍珠」的生日會，之後又與昔日「處女黨」好姊妹李亞男一同湊小朋友遊海洋公園。昨日鍾嘉欣再在IG貼出，湊住三個小朋友與胡杏兒一家五口聚會的照片，鍾嘉欣的6歲大女Kelly、4歲二仔Jared與剛滿半歲的細女Anika，與胡杏兒的5歲大仔大仔Brendan、3歲二仔Ryan和上月剛滿2歲的細仔Liam，總共六個小朋友、兩個大人逼滿梳化。難怪連鍾嘉欣也留言寫上：「Full House（全院滿座）。」相中見六個小朋友都精靈活潑，鍾嘉欣的大女Kelly還雙手放在下巴前扮花留影，相當可愛。而兩個靚媽當然都完美凍齡，依然好省鏡！

身為媽媽的兩人好友楊怡也留言說：「唉吖，我都好想加入吖！」已經生了兩個的雨僑也留言說：「真係好Full呀😍」同為「處女黨」的好姊妹王君馨已英文留言笑說：「你哋好cute啊！搞到我都想生三個BB！」結果引來胡杏兒老公留言笑說：「唔好啊！OK，講笑！生啦！之後先向我大叫。」其他網民見到畫面亦覺得好感動：「成個畫面好熱鬧，係青春係回憶，睇到好感動呀！」、「長大後可以拍一部《家好月圓》了，齊人了。」還有網民笑說可以再找陳豪及陳茵媺、鄭嘉穎及陳凱琳兩對夫婦合照：「搵埋陳豪、鄭家穎，咁就有一打小朋友一齊影相啦！」

【其他閱讀】：

67歲白髮周潤發親民渣機自拍集郵相內地網民葡萄激讚香港明星接地氣

許冠傑邀MC Jin夾Band得意孫仔打拍子獨立屋豪宅曝光有大花園充滿豹紋裝飾

58歲上山詩鈉母女檔拍廣告超低胸搶阿女鏡 Hilary大爆媽媽窩心事跡母兼父職好偉大

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ

關鍵字