港女搭巴士疑遭怪手胸襲網民同情自爆曾遭非禮：被拍pat pat摸手臂｜Juicy叮

2023-04-24 12:01

一名巴士女乘客早前懷疑被從後排伸出的「怪手」摸胸非禮，事件在facebook專頁「屯門友」曝光後，網民不但出來伸張正義，大力聲討疑似色狼，並上載另一相片，爆料指相中人疑為慣犯。事件讓不少網民同情，並勇敢揭開傷疤，重提自己在不同場合也曾不幸遇上的懷疑被非禮經歷。

巴士「怪手」實況及網民回應：

一名坐後排左邊的黑衣男乘客，沿窗邊伸長左手。網圖

事件讓不少網民同情，並揭開傷疤，重提自己也曾不幸遇上的懷疑被非禮經歷。網上截圖

一名巴士女乘客早前懷疑遭從後排伸出的怪手摸胸非禮，事件在facebook專頁「屯門友」曝光。網上截圖

網民貼出另一相片，爆出疑似色狼疑為慣犯。網上截圖

怪手（紅圈示）。網上截圖

網民指事件恐怖。網上截圖

怪手特寫（紅圈示）。網上截圖

網民建議「下次大聲嗌非禮，我相信好多人出聲幫你㗎」。網上截圖

網民表明「不要放過佢」。istock圖片

網民形容事件「好猖狂」。網上截圖

網民表明「要舉報，唔係再有人受害」。istock圖片

網民指「要大叫，見到佢瞓都要大叫，扮瞓的人唔會醒」。網上截圖

網民指色狼「賤恪，應該大叫」。istock圖片

網民指有關的疑似色狼疑為慣犯。網上截圖

網民表明「不要放過佢」。istock圖片

樓主代街坊附相發帖，相中見到一名坐後排左邊的黑衣男乘客，沿窗邊伸長左手。帖文指事發於4月15日晚上7時15分左右，「坐57M呢個男人伸隻手上前面摸胸，捉住佢仲要扮眼瞓、扮冇事。收咗工之後個腦好攰已經轉唔郁，我都唔知點解到站就落咗車冇報警。各位女士要小心，一個女仔盡量唔好坐最後，周圍有好多位，專登坐過嚟附近要留心啲」。

資料顯示，57M來往屯門（山景邨）及荔景（北）。對於這樁「怪手」懷疑非禮事件，回應的網民均咬牙切齒聲討，指做法猖狂，行為鬧殘格，遇事時應大喊，並要報警處理：

「要報呀！」、
「好猖狂」、
「咁恐怖！」
「舉報佢」、
「不要放過佢」、
「賤恪，應該大叫」、
「而家報返都唔遲」、
「報警，巴士有cctv」、
「要舉報，唔係再有人受害」、
「巴士有cam，可以check返㗎」、
「第一時間影咗手先，開拍片由手影到樣」、
「下次大聲嗌非禮，我相信好多人出聲幫你㗎」、
「要大叫，見到佢瞓都要大叫，扮瞓的人唔會醒」、
「雖然過咗照報警囉，可能巴士上的閉路電視影到」、
「好癲，唔可以放過，一大叫一定全車都幫，唔洗怕」、
「車上面有cam 可以報警拉人，落咗車都可以報案，放心去」、
「下次緊係開手機影低罪證，唔洗口同鼻拗，先在係車大叫」、
「當時上層多人坐嗎？發生在屯公 or 已到山景邨？遇事係咪可以通知司機，等佢走唔到先，再報警」。