單車男驚險踩上將軍澳防波堤 網民憂心忡忡：一跣胎就衝落海｜Juicy叮

一名黃衣男子早前在將軍澳海濱的防波堤上踏單車，被網民以「生命冇take two，大家切勿模仿」為題，上載相片到facebook討論區。網民在熱議舉動危險與否的同時，忙著掏出漫畫《男兒當入樽》其中一期封面的相片，指單車男「扮緊流川楓 」，那些年的畫面與情懷又再湧上心頭。

有網民認出現場是跨灣大橋前的將軍澳海濱，也細心地見到單車尾插有魚杆。樓主在回應網友時表示，「不是第一次見到他，他應該落去釣魚，不過真是很危險」，擔心「一轉錯軚／天雨路滑跣胎就直落海」，有網友擔心「畀啲小朋友見到有樣學樣」。

踩單車踩上防波堤實況及網民回應：

一名黃衣男子在將軍澳海濱的防波堤上踏單車。網圖

網民見到單車尾插有魚杆。網圖

《男兒當入樽》的流川楓。網圖

網民找出漫畫《男兒當入樽》其中一期封面的相片，指單車男「扮緊流川楓 」。網圖

有日本網友曾到現實地點朝聖。Twitter圖片

流川楓。網圖

網民繪圖討論單車男如何落去石堆釣魚。網上截圖

有網民稱「條路看落很闊，因為離地，看似危險」。網上截圖

網民繪圖討論單車男如何落去石堆釣魚。網上截圖

不少網民指「條路唔窄」。網上截圖

網民掏出《男兒當入樽》其中一期封面的相片，指單車男「扮緊流川楓 」。網上截圖

接著有人討論單車男如何落去石堆釣魚，有人繪圖示意，估計「應該去出水位附近落去」，樓主則指，「佢係走，佢在跨灣大橋前少少行落去釣魚」。

樓主多番提到危險，但有網民安慰「條路看落很闊，因為離地，看似危險」，並強調「條路唔窄」、「其實條路都闊嘅」、「條路闊成咁」、「係農村呢啲小路周圍都係。同埋佢車細、要停腳一落地就ok」、「依種單車轆細速度慢，妳不用擔心嘅」。

另有網友形容單車男「藝高人膽大」、「高手在民間」，並笑說「解決咗人車爭路問題」。另有人指「釣魚佬大把人會闖入你意想不到嘅地方......總之有魚釣就ok」。

說回流川楓迎著海風在防波堤上踏單車的封面，有日本網友早前在Twitter表示，曾到現實地點朝聖——神奈川縣藤澤市江之島，發現防波堤相當狹窄且有坡度，堤的另一側是消波塊與大海，奇怪流川楓為何要在這地方上騎車。
 

帖文來源：香港風景攝影會

相關新聞：

大叔孖大媽「隧道自由行」 車龍旁漫步霸氣手指指

大叔孖大媽「隧道自由行」 車龍旁漫步霸氣手指指

將軍澳跨灣大橋射出紫光網民改圖召喚蝙蝠俠

將軍澳跨灣大橋射出紫光網民改圖召喚蝙蝠俠

同場加映：

巴士問路爆衝突司機停車與乘客互兇：係到玩嘢！

巴士問路爆衝突司機停車與乘客互兇：係到玩嘢！

網上有巴士司機與乘客衝突的影片熱傳，雙方懷疑因問路言語不合，爆發激烈衝突，巴士司機停車後，走出駕駛座指罵乘客：「你玩嘢呀！」乘客則回應：「恐嚇我，我依家好驚呀。」

該段長約4分鐘的影片，未知拍攝時間，涉及新界巴士路線42A，該巴士來往青衣（長亨邨）及佐敦（西九龍站）。

衝突疑因有乘客向司機問路引發。

巴士爆衝突 司機與乘客互兇｜足本字幕版↓↓↓↓

（巴士行駛中）巴士司機：多謝你喎

巴士司機：唔該晒喎，麻煩你行返埋去呀。

巴士司機：咁你落車呀，唔該。

巴士司機：㩒鐘喎，記得。

乘客：（大喊）㩒鐘啦！

巴士司機：（大喊）多謝晒！

乘客：問你邊條街啫，使唔使咁呀。

乘客：唔知咪唔知囉，

乘客：彌敦道，咁即係搵交嗌啫。

乘客：我搵交嗌，係你搵交嗌呀。

巴士司機：好似係你（搵交嗌）喎。

巴士司機：你唔好係到嘈住我啲乘客呀。

乘客：我依家嘈住你啲乘客咩？

巴士司機：係呀

乘客：邊到有呀，停車啦。

乘客：你咪唔好停囉。

巴士司機：點呀，依家先生，有咩問題呀。

乘客：無問題呀，開門啦。

巴士司機：開咩門呀依家

(此時巴士停車開門，開始有大批乘客下車)

巴士司機：你鬧XXX，我答得你好好㗎啦。

乘客：夠膽出嚟啦，笨

巴士司機：咩事呀（司機此時開門走出來）

乘客：出嚟呀！

巴士司機：咩事呀！先生，咩事呀！

巴士司機：有咩問題呀

(該乘客此時舉機拍司機)

巴士司機：你影我都係咁講㗎啦

巴士司機：有咩問題呀，先生。

乘客：恐嚇我，我依家好驚呀。

乘客：落嚟呀

（該乘客這時已落車，並不時向司機挑釁：落嚟呀）

巴士司機：（大喊）我仲咩要落嚟呀

（有其他乘客安撫司機）

巴士司機：（對著該乘客大喊）係到玩嘢呀！

（其他乘客勸交：唔好嘈！唔好嘈！）

巴士司機：你夠膽上返嚟呀，我唔報警！

巴士司機：唔好係到扮晒嘢呀！

巴士司機：落咩離呀！依家！（紅圈為該嘈交乘客，此時已下車）

（其他乘客繼續勸交：唔好嘈！唔好嘈！）

巴士司機：問我嘢，我依家咪答你，幾好呀，仲話我。

巴士司機：你老Ｘ，真係呀！

（這時其他乘客繼續勸交：唔好嘈！唔好嘈！）

（司機這時走回駕駛座）

（轉向其他乘客申訴）

巴士司機：我問你去邊條街，

巴士司機：你都唔答我，

巴士司機：我點應你呀！

巴士司機：你搵交嗌，搵我嚟嗌！

（此時其他乘客仍議論紛紛）

事件在網上引起網民熱議，有網民認為司機情緒過份激動，但有人則認為有關乘客挑釁在先，認為雙方應該互諒互讓，乘客應該在安全情況下才向司機問路。

 

---

《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ