港女心煩「去男友屋企食飯洗唔洗碗」網民諗到一天光晒妙計......｜Juicy叮

2023-04-09 13:16

有港女似乎受了男友家姐的烏氣，日前在網上「香港討論區」發帖追問「去男朋友屋企食飯一定要幫手洗碗？」。回應的網民眾說紛紜，但有人提出了絕妙的冧掂未來奶奶建議，「家庭和諧機」一出，一句頂一萬句，完勝。

樓主指，「琴日上咗男朋友屋企食晚飯，去食飯食過都好幾次。食飯我都會幫手執枱，但係碗我每次想幫手男朋友都會叫我坐低，唔駛搞嫁啦。男朋友媽咪都一樣會話唔駛搞啦，佢自己做返仲開心」。

樓主續稱「點知琴日男朋友家姐係食完飯之後好細聲話，點解次次都唔幫手，係咪畀人服侍開？我聽到呢句真係好嬲……你話我一D都唔想洗就話啫……只係未有機會。但問心上男朋友屋企食飯一定要幫手洗碗㗎咩？定律嚟？我男朋友知我聽到唔開心都有安慰返我，佢話之後幫手嘅日子多的是，唔好理佢家姐點講。真係好嬲~」。

網民回應：

港女追問「去男朋友屋企食飯一定要幫手洗碗？」

樓主帖文。網上截圖

回應的網民眾說紛紜。

有網民表示「叫你男朋友畀你洗一次」。網上截圖

有網友提出了絕妙的冧掂未來奶奶建議。

「大方啲，洗幾千蚊買部洗碗碟機俾伯母啦！你男友同未來奶奶肯定會錫到你燶呀！」。網上截圖

有網民批評「洗幾個碗碟，咁鬼多嘢講。港女好麻煩」。

有網民指「10年前未結婚時我女友次次上嚟都有幫手攞碗筷執枱自動波！」。網上截圖

網友稱「依家只係拍拖啫結婚之後再洗碗都唔遲」。

網民建議「送部洗碗機畀佢」。網上截圖

回應的網民意見不一：

•「港女性格......」、
•「妳冇錯，係佢家姐多事」、
•「叫你男朋友畀你洗一次」、
•「下次你快一步去洗碗就得」、
•「做客好小叫人洗，一陣搞亂晒」、
•「分手啦，日後結咗婚一定虐待你」、
•「有做樣就得，佢家姐都未識做人」、
•「你自己想唔想洗碗，唔想洗就唔洗」、
•「洗幾個碗碟，咁鬼多嘢講。港女好麻煩」、
•「洗開一次會唔會變咗次次都要洗？慣咗」、
•「依家只係拍拖啫結婚之後再洗碗都唔遲」、
•「係呀，如果唔想洗就唔洗，洗開次次都洗」、
•「好彩你男朋友都有安慰你而唔係叫你去洗碗」、
•「你都唔好咁過激，可能佢男朋友家姐只係隨口講吓啫」、
•「10年前未結婚時我女友次次上嚟都有幫手攞碗筷執枱自動波！」、
•「我以前條女上我度食飯都自動波洗埋碗，不過其實佢唔洗都唔會有人話佢，其實好少事，唔駛放咁大」、
•「垃圾心態，家姐只係隨口講下，下次上男友度黐餐咪同佢老母講我同男友洗就得，好簡單嘅嘢諗到咁複雜」、
•「洗乜碗？都未結婚，你會唔會叫客人食完飯後洗碗？勸你以後唔好再去食飯，未結婚已俾說話你聽，結咗婚之後有乜碗都係你洗」、
•「其實我都贊同佢男朋友屋企係唔需要幫手洗碗最多執吓枱就算啦，因為洗開你之後去到又唔洗又唔係咁好，為咗避免唔想洗碗就索性唔好去屋企食飯就最好啦，哈哈」、
•「應該冇人鍾意洗碗，叫你唔洗幫是客氣也可就是無所謂。但旁人可能睇唔慣。問題係你想唔想給人更好的印象。有時就是蝕底都不要想太多，時間一樣過，除笨有精」。