港女心烦「去男友屋企食饭洗唔洗碗」网民谂到一天光晒妙计......｜Juicy叮

2023-04-09 13:16

有港女似乎受了男友家姐的乌气，日前在网上「香港讨论区」发帖追问「去男朋友屋企食饭一定要帮手洗碗？」。回应的网民众说纷纭，但有人提出了绝妙的冧掂未来奶奶建议，「家庭和谐机」一出，一句顶一万句，完胜。

楼主指，「琴日上咗男朋友屋企食晚饭，去食饭食过都好几次。食饭我都会帮手执枱，但系碗我每次想帮手男朋友都会叫我坐低，唔驶搞嫁啦。男朋友妈咪都一样会话唔驶搞啦，佢自己做返仲开心」。

楼主续称「点知琴日男朋友家姐系食完饭之后好细声话，点解次次都唔帮手，系咪畀人服侍开？我听到呢句真系好嬲……你话我一D都唔想洗就话啫……只系未有机会。但问心上男朋友屋企食饭一定要帮手洗碗㗎咩？定律嚟？我男朋友知我听到唔开心都有安慰返我，佢话之后帮手嘅日子多的是，唔好理佢家姐点讲。真系好嬲~」。

网民回应：

港女追问「去男朋友屋企食饭一定要帮手洗碗？」

楼主帖文。网上截图

回应的网民众说纷纭。

有网民表示「叫你男朋友畀你洗一次」。网上截图

有网友提出了绝妙的冧掂未来奶奶建议。

「大方啲，洗几千蚊买部洗碗碟机俾伯母啦！你男友同未来奶奶肯定会锡到你燶呀！」。网上截图

有网民批评「洗几个碗碟，咁鬼多嘢讲。港女好麻烦」。

有网民指「10年前未结婚时我女友次次上嚟都有帮手攞碗筷执枱自动波！」。网上截图

网友称「依家只系拍拖啫结婚之后再洗碗都唔迟」。

网民建议「送部洗碗机畀佢」。网上截图

回应的网民意见不一：

•「港女性格......」、
•「你冇错，系佢家姐多事」、
•「叫你男朋友畀你洗一次」、
•「下次你快一步去洗碗就得」、
•「做客好小叫人洗，一阵搞乱晒」、
•「分手啦，日后结咗婚一定虐待你」、
•「有做样就得，佢家姐都未识做人」、
•「你自己想唔想洗碗，唔想洗就唔洗」、
•「洗几个碗碟，咁鬼多嘢讲。港女好麻烦」、
•「洗开一次会唔会变咗次次都要洗？惯咗」、
•「依家只系拍拖啫结婚之后再洗碗都唔迟」、
•「系呀，如果唔想洗就唔洗，洗开次次都洗」、
•「好彩你男朋友都有安慰你而唔系叫你去洗碗」、
•「你都唔好咁过激，可能佢男朋友家姐只系随口讲吓啫」、
•「10年前未结婚时我女友次次上嚟都有帮手攞碗筷执枱自动波！」、
•「我以前条女上我度食饭都自动波洗埋碗，不过其实佢唔洗都唔会有人话佢，其实好少事，唔驶放咁大」、
•「垃圾心态，家姐只系随口讲下，下次上男友度黐餐咪同佢老母讲我同男友洗就得，好简单嘅嘢谂到咁复杂」、
•「洗乜碗？都未结婚，你会唔会叫客人食完饭后洗碗？劝你以后唔好再去食饭，未结婚已俾说话你听，结咗婚之后有乜碗都系你洗」、
•「其实我都赞同佢男朋友屋企系唔需要帮手洗碗最多执吓枱就算啦，因为洗开你之后去到又唔洗又唔系咁好，为咗避免唔想洗碗就索性唔好去屋企食饭就最好啦，哈哈」、
•「应该冇人锺意洗碗，叫你唔洗帮是客气也可就是无所谓。但旁人可能睇唔惯。问题系你想唔想给人更好的印象。有时就是蚀底都不要想太多，时间一样过，除笨有精」。