Barbie芭比丨史上最真心「膠」真人版電影 賴恩高斯寧 劉思慕齊演阿Ken玩互相傷害
2023-04-06 10:00 
《Barbie芭比》真人版大電影拍攝初期曾公開數張造型照，瑪歌羅比扮芭比都叫形神俱似，賴恩高斯寧扮阿Ken，以為係Happy伯，已忍唔住話唔好啦，明明都係型男，做乜搞成咁?然後預告終於見街，見到高斯寧都係惡頂但因為同芭比有互動，個景又得意，啲衫又過癮，感覺叫做好啲啦！
究竟套戲講乜?新聞稿咁寫，「『芭比樂園』裡過住100%完美生活，是世上最完美的一件事！除非你擁有無比危機意識，又或者，你正正是樂園裡的阿Ken 咁就難搞啲了…！」冇錯，完了，講咗等於冇講，睇嚟套戲好精彩，講少少都怕穿橋，之前高斯寧曾經講過，如果唔覺意劇透，就會好似之前演過嘅特工片咁被追殺。齋睇預告，畫面好繽紛，Barbie嘅玩具世界變咗真人咁大，但依然Keep住「膠」感，我就覺得相當得意，另外，戲中有好多個阿Ken，其中兩個分別由賴恩高斯寧及劉思慕飾演，睇佢兩個係咁鬥嘴，睇嚟為爭女變世仇啦。
【點擊睇過癮角色海報】
《星島頭條》新網站有更多精彩內容：http://www.stheadline.com/
最新回應