Barbie芭比丨史上最真心「胶」真人版电影 赖恩高斯宁 刘思慕齐演阿Ken玩互相伤害
2023-04-06 10:00 
《Barbie芭比》真人版大电影拍摄初期曾公开数张造型照，玛歌罗比扮芭比都叫形神俱似，赖恩高斯宁扮阿Ken，以为系Happy伯，已忍唔住话唔好啦，明明都系型男，做乜搞成咁?然后预告终于见街，见到高斯宁都系恶顶但因为同芭比有互动，个景又得意，啲衫又过瘾，感觉叫做好啲啦！
究竟套戏讲乜?新闻稿咁写，「『芭比乐园』里过住100%完美生活，是世上最完美的一件事！除非你拥有无比危机意识，又或者，你正正是乐园里的阿Ken 咁就难搞啲了…！」冇错，完了，讲咗等于冇讲，睇嚟套戏好精彩，讲少少都怕穿桥，之前高斯宁曾经讲过，如果唔觉意剧透，就会好似之前演过嘅特工片咁被追杀。斋睇预告，画面好缤纷，Barbie嘅玩具世界变咗真人咁大，但依然Keep住「胶」感，我就觉得相当得意，另外，戏中有好多个阿Ken，其中两个分别由赖恩高斯宁及刘思慕饰演，睇佢两个系咁斗嘴，睇嚟为争女变世仇啦。
【点击睇过瘾角色海报】
《星岛头条》新网站有更多精彩内容：http://www.stheadline.com/
最新回应