跑馬地Tesla無視交通指示衝燈鏟上樂活道倒後鏡擦撞男童後疑不顧而去｜車cam直擊

2023-04-04 18:07

又有馬路炸彈出現！網上早前流出一條短片，一輛Tesla電動車於上月24日傍晚駛離跑馬地禮頓山時，竟未有依照交通指示向左轉，反而衝燈往對面的樂活道高速駛去，其間甚至撞倒一名男童的膊頭，之後不顧而去。片段引來網民熱烈討論，認為司機駕駛態度欠佳「大地任我行」，但亦有人覺得男童掙脫同行外傭胡亂過馬路，亦需為事件負責任，「Tesla衝燈固然好有問題，不過工人帶著個細路咁過馬路都唔多正常」。

早前網上有平台上傳一段車cam片，長約24秒左右，片段左下角顯示事發日期為3月24日傍晚6時08分，一輛白色Tesla電動車駛離跑馬地禮頓山，根據道路指示理應只可向左轉沿連道落山，惟司機竟然沒循應行路線駛入，反而冒險地直踩往衝上對面的樂活道，其間更是衝燈而過。

一輛白色Tesla電動車駛離跑馬地禮頓山。

根據道路指示，Tesla理應只可向左轉落山，惟司機竟然沒循應行路線駛入，反而冒險地直踩往衝上對面的樂活道。

當時樂活道的行人過路處有4人等候燈位。

白色Tesla駛至時，一名男童突然衝過馬路。

尾隨的外傭亦上前阻止。

Tesla收掣不及，右邊倒後鏡撞到男童膊頭。

男童膊頭被撞。

消息指Tesla一度落車調較倒後鏡，但未有理會男童的傷勢。

當時樂活道的行人過路處有4人等候燈位，白色Tesla駛至時，有兩名男女已立即向後退，反而一名男童突然衝過馬路，尾隨的外傭亦上前阻止。車cam的司機立即響鞍示意，希望Tesla能夠收油，避免撞及男童，但Tesla最終仍收掣不及，右邊倒後鏡撞到男童膊頭。

消息指，Tesla一度落車調較倒後鏡，但未有理會男童的傷勢，之後絕塵而去，而外傭初時亦以為自己睇錯燈號，但其後發現行人燈號是綠燈，故拍低Tesla的車牌並報警求助。

片段引發網民爭論，更分成兩派，有部份人認為Tesla司機未有理會交通指示，完全是「馬路炸彈」，「駕駛路線已經超越我哋能夠想像了」、「行人綠燈，T車不可右轉，根本唔應該有車，T車全錯」、「唔畀咁轉上去架Tesla照上，T車直頭係危駕」，但亦有人認為男童亦需為自己的行為負責任，「工人咁樣唔睇打斜帶細路過馬路，俾我就會即炒」、「無論紅燈定綠燈都要望有冇車」、「行人真係過馬路時點都要shoulder check曬兩邊」。