Tesla泊咪錶逾時遭抄牌 司機不忿狂問警員一句KO 網民：今次我撐阿sir

市區車位長期緊張，咪錶車位更「一位難求」，今日（1日）網上流傳一段影片，有司機不滿咪錶逾時被抄牌，不斷追問警員「點解唔畀入錶」，又指自己準備入錶時警員才由警車落地。涉事警員多番解釋指「我就兜咗第3轉」，又向司機苦口婆心表示「咪錶唔係見到警察先入㗎」，事件擾攘一番號，警員發出告票後離去。多名網民支持警方的做法，批評司機不講道理「生人霸死地」，「係入咗晨早入鬼咗啦，使乜等到人哋抄牌嗰陣時先至入呀」。

今日各大社交平台流傳一條大約1分30秒的影片，片段所見事發時間為今早11時左右，地點為長沙灣福榮街長沙灣天主教英文中學對開。片中所見，一輛白色Tesla私家車停泊在路邊咪錶位，舉機拍片的男子疑為Tesla司機。當時，一名高級警員落警車走向咪錶，旁邊有一名交通督察員，司機隨即上前向警員投訴，指他準備入錶時遭阻撓，「唔好意思，呢個阿Sir（交通督導員）唔畀人入錶」。

●警員抄牌經過●

警員落車執行職務。片段截圖

一輛白色Tesla私家車停泊在路邊咪錶位，而咪錶顯示「逾期」。片段截圖

一名高級警員落警車走向咪錶。片段截圖

警員指住咪錶，反問司機是否見到「逾期」兩字。片段截圖

警員指自己酌情處理，「已經兜咗第3轉嫁喇」。片段截圖

高級警員落警車走向咪錶，旁邊有一名交通督察員。片段截圖

司機上前向警員投訴，指他準備入錶時遭交通督導員阻撓。片段截圖

警員不欲與他爭拗，「我唔係唔畀你入錶，我係見你無入錶呀」。片段截圖

警員未有再理會司機。片段截圖

警員隨即指住咪錶，反問司機是否見到「逾期」兩字，要求他不要阻礙警員執行職務，「你自己望下，見唔見到？我就兜咗第3轉嫁喇，你借一借，你借開少少」。司機竟喋喋不休，不斷追問，「阿Sir我見到過時，但我想問你見唔見到過時幾耐？我唔阻你做嘢，你係咪唔畀我入錶？」

警員不欲與他爭拗，僅拋下一句：「我唔係唔畀你入錶，我係見你無入錶呀，我而家告啦」，之後便發出告票，未有再理會司機，只與交通督察員交代工作。司機連珠炮發不斷狂叫「阿Sir」，「阿Sir請問你點解唔畀我入錶呢？當時你未落地，我影住你，你話你兜咗3個圈，你又話我過時，我話入錶你又唔畀我入錶。阿Sir 我問緊你嘢」。

警員聞言後向司機再三強調，咪錶逾時是要即時入錶，「先生，咪錶唔係見到警察先入㗎，你明我講咩，我唔同你拗，我講多一次你擺（車）入去就要入錶㗎啦」，然後沒有再與司機爭論，登上警車離去。

●繼續睇警員抄牌經過●

警員未有再理會司機。片段截圖

司機不斷高呼「阿sir」，要求對方解釋為何不準他入錶。片段截圖

警員聞言後向司機再三強調，咪錶逾時是要即時入錶。片段截圖

一輛白色Tesla私家車停泊在路邊咪錶位。片段截圖

警員聞言後向司機再三強調，咪錶逾時是要即時入錶。片段截圖

警員聞言後向司機再三強調，咪錶逾時是要即時入錶。片段截圖

咪錶清楚顯示Tesla私家車入經「逾時」。片段截圖

警員沒有再與司機爭論，登上警車離去。片段截圖

影片引來網民熱議，認為警方今次執法並無問題，更認為警員已酌情處理，「兜咗3次先嚟抄真係鬆手」，直言「今次我撐阿sir啦」。另外，亦有多名網民批評司機不講道理，「生人霸死地」、「正一無賴，有誠意就一早入咗，阿Sir走果刻個錶都仲係逾時」、「泊錶位唔入錶，幾蚊都唔捨得俾，而家有入錶易，電話㩒個制就可以，咁都慳」、「好明顯係霸住個錶又唔入錶」。

運輸署斥資逾3億元，於2021年1月起分批於全港各區安裝約1.2萬台新一代咪錶，車主可使用「入錶易」在現場及遙距繳費。

警方表示，今日（1日）上午約10時40分警員巡經深水埗福榮街近興華街時，發現一輛違例停泊的私家車，遂向該名男司機發出定額罰款通知書，又指市民如對警方發出的定額罰款通知書有任何查詢或投訴，可選擇經郵遞、傳真或致電與中央交通違例檢控組聯絡，警方在接獲查詢或投訴後，會根據既定程序作適當跟進，市民亦可選擇在法庭作出申辯，又重申沒有按停車收費錶繳費而泊車，可被罰款320元。

-----

《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ