古天后日誌｜港股走勢見改善 惟成交未能配會升勢難持續

3月24日，短暫時間有陽光，間中有幾陣驟雨，稍後有一兩陣雷雨，周末兩勢頗大。美股表現反覆，周三晚因為鮑爺跟耶媽講話，已表演過即市跳水，隔晚早段由金融股帶動美股反彈，主要係外電指國會正相討加大力度保障存款，相關法案最快可於下周推出。但美股升抵高位後乏承接，最終三大指數升幅縮水，道指由最多升481點至收市僅餘75點升幅，標指升11點；納指升117點。之前已多次表示，標指仍然行緊range，3800-3900支持，4100-4200阻力，無奈標指升至4000點已見沽壓，暫時美股都係反覆。不過反覆還反覆，優質美股如大型科技股，仍然係值得逢跌吸納。

雖然暫時美國銀行危機有所緩解，但是次危機仍然帶嚟極多不確定性，加上通脹仍然高企，一旦處理不當，有可能導至美國經濟陷入衰退，又或滯脹降臨。目前聯儲局仍傾向持續鋻縮貨幣政策以控制通脹，不過CPI已早於去底見頂回落，而呢個趨勢似乎正持續。只係市場流動性仍然充裕下，油價跟商品期貨價格高企，令通脹高居不下，反而爆發銀行風暴後，市場熱錢減少，尤其銀行為保護自已，將保留更多存款以作最壞打算，從而收緊借貸，市場熱錢減少，反而令聯儲局可以停止大幅加息，通脹有望受控回落，今年底或明年初就有機會迎來減息周期。呢個亦係古天后認為美股可以逢低吸納嘅原因。

至於港股方面，3月份市況一如預期唔再好似1月及2月咁行單邊，月初由21000水平跌至月中18800水平，跌逾2000點後，呢個星期迎嚟一個反彈，由低位反彈至噚日重返20及250日線水平，更重上2000大關，已反彈之前嘅跌幅一半。暫時指數能重上多條移動平均線，走勢上確係有所改善，只係反彈期間，未見有大量資金流入配合升勢，如此一來，港股要延續升勢難度大增，大市上上落落，不過係大戶上下其手，殺熊劏牛嘅技倆。日升日跌，尤其係啲重磅指數股，ATMJ呢啲科技股，藍籌身份而每日波幅可以超過半成，呢啲幅度並唔係長線投資者所樂見。港股要扭轉目前有波幅，冇升幅嘅局面，唯有長線資金肯逢低收集，波幅減細，穩定咁慢慢向上，港股先有望由熊入牛，牛一嘅收集期係漫長兼悶透，但總好過日升日跌，日日玩過山車，chok上chok落只會嚇怕長線投資者，連北水而一改過往只買不沽嘅坐貨作風，一般資金明知港股難炒，何不捨難取而，轉投更有搵食機會嘅美股市場，而要留喺港股被折磨呢???