巴士阿叔鬧喊少女阻落車 坐隔離賴死唔郁 網民指一句話露色心｜Juicy叮

本港社交平台今日（18日）熱傳一段阿叔大鬧城巴的影片，有大叔坐正少女隔離，少女欲下車竟堅拒不「放行」，引來司機干預，但大叔竟發狂鬧喊少女，網民點出大叔罵語中有一句話已顯露其色心。

事件發生在天水圍，本周三（15日）晚上，涉事巴士為城巴967X，來往天水圍（天恩邨）及銅鑼灣。有乘客拍攝到事發情況，片長約45秒。

直擊巴士阿叔大鬧城巴 一句說話露色心？（足本字幕版）↓↓↓↓

（事件發生在天水圍，時間在本周三（15日）晚上。）

（涉事巴士為城巴967X，來往天水圍（天恩邨）及銅鑼灣。）

（有乘客拍攝到事發情況，片長約45秒。）

（事發在巴士上層。）

（有網民表示，當日司機接獲其他乘客求助，到上層協助。）

（影片看到現場有不少「吉位」，但有網民懷疑其他乘客因事件發生已經「落晒車」。）

（影片中鴨舌帽大叔坐在一名長髮少女隔離，巴士司機則站在兩人前面）

巴士司機：大家都係公民嚟啫，就一就啦。

大叔：咁你咪自己行囉。

大叔：有咩咁大件事呀。

巴士司機：咁人哋係女仔，讓吓女仔呀。

大叔：女仔驚乜嘢呀？

巴士司機：讓吓女仔啦，讓吓女仔啦。

大叔：唔係呀，女仔驚乜嘢啫，依家佢。

巴士司機：唔係，讓吓女仔。

大叔：驚我非禮佢？

巴士司機：唔係，唔係，即係唔係呢個意思，大家就一就啫。

巴士司機：佢又驚大家撞到你。

大叔：唔緊要呀，咪撞囉。

大叔：唔緊要呀，我都唔怕畀佢撞，你咁驚仲乜啫。

巴士司機：咁咪大家就一就囉。

大叔：點解要就呀？

大叔：就咗畀佢啦，咁樣仲唔夠呀？（大叔這時身體略向左側一側身）

大叔：點解要企起身畀佢呀？佢大啲？

巴士司機：唔係呢個問題呀。

大叔：哦，即係皇帝嚟嘅？

巴士司機：唔係，唔係皇帝。

大叔：武則天女皇？

巴士司機：唔關事，唔關事，大家就一就。

大叔：真係神經病。

大叔：已經就晒佢啦，已經咁啦。

大叔：仲唔夠過呀，你咪事呀？

巴士司機：唔好意思，真係，哎呀，佢又喊啦......（影片至結束）

網民批評該位大叔拒絕起身，讓少女離開。

有網民指出，當時大叔背後有吉位，其實可以轉到吉位坐，讓少女行過，「後面已經係吉位，佢起都起唔到身，咁應該落唔到車。」

有網民表示認得大叔，「呢條友經常以呢個方法搏懞㗎。」

有網民建議司機可以報警，因為有關大叔疑正在騷擾其他乘客。

網民：「條片睇到好多空位，點解咁多位，係要咁坐埋去，乜嘢居心？」

網民：「後面已經係吉位，點解佢唔起身？」「應該叫個女仔照出嚟，睇吓阿叔係咪非禮？」

有網民指出，大叔的罵語中「我都唔介意比佢撞」一句，已經透露其動機疑似「搏懞」動機：「自己都講咗出口其實想點啦。」

網民紛紛批評巴士阿叔的行為：「條片睇到好多空位，點解咁多位，係要咁坐埋去，乜嘢居心？」「後面已經係吉位，點解佢唔起身？」「應該叫個女仔照出嚟，睇吓阿叔係咪非禮？」有網民建議司機可以報警，因為有關大叔疑正在騷擾其他乘客。

同場加映：7樓開家門竟變13樓鄰居家 真相曝光匪夷所思

一名男子返家遇到「壞𨋢」焗行樓梯，他住7樓，行到家門發現鑰匙不見了，只好請來開鎖師傅，沒想到一打開家門卻嚇他一跳，該層居然是13樓鄰居家，這次詭異經歷背後真相匪夷所思。

為什麼7樓家變13樓鄰居家？↓↓↓↓

一名男子返家遇到「壞𨋢」焗行樓梯，他住7樓，行到家門發現鑰匙不見了，只好請來開鎖師傅，沒想到一打開家門卻嚇他一跳，該層居然是13樓鄰居家，這次詭異經歷背後真相匪夷所思。

為什麼7樓家變13樓鄰居家？

內媒報道，廣西南寧的朱先生近日返家，由於電梯壞掉，他只好行樓梯返家。

朱先生住7樓，他行上7樓後，卻發現自己沒有鑰匙在身。

無奈之下只能請來開鎖師傅到來開門。

當開鎖師傅打開朱先生7樓家門，沒想到一開門卻傻眼了，該層居然是13樓鄰居家。

朱先生趕緊先報警，避免鄰居家財產有任何損失，請警察先做個見證。

為什麼會出現如此詭異情況？

朱先生住的大廈，每個單位都有3個大門。

分別是：通往單位的電梯（Ａ）、應急逃生樓梯（Ｂ）以及保姆電梯（Ｃ）。

事發當晚，直通家裡的電梯（Ａ）壞了。

連接保姆電梯（Ｃ）的陽台門由於開鎖難度較大。

開鎖師傅建議先開連通逃生梯（Ｂ）的應急安全門。

於是，朱先生一行人順著逃生梯（Ｂ）向上行，按照樓層標識爬到了7樓開鎖。

朱先生說：「標的是7樓，7F，我家就是7F。」誰料竟是到達了13樓，錯誤開了鄰居的家門。

內媒引述該大廈管理公司的經理表示，原來這座大廈屬大戶型構造獨特，前面的門牌號它是按照單層來設置的。

但是逃生梯（Ｂ），是按照複式結構標示門牌號。

換言之，兩層當一層來標示，所以若從逃生梯（Ｂ）上樓，標示顯示7樓，實際就是13樓。

經理亦表示，標識誤導給業主造成不必要的麻煩，物業也負有一定的管理責任。

發現開錯門後，朱先生已與13樓業主聯繫並取得諒解，還花了200多元(人民幣)幫他換了新的鎖芯。

朱先生批評，整棟樓樓梯裡的樓層標識都是錯的，逃生梯（Ｂ）標示帶有很大誤導成分。

物業公司願意考慮承擔開鎖、換鎖芯部分費用。

物業公司亦已把情況反映給開發商，看是否要更換新的樓層標識。

 

詳情瀏覽：7樓開家門竟變13樓鄰居家 真相曝光匪夷所思

-------

《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ