Dream丨朴敘俊做錯事訓練足球隊作懲罰 騎呢球員集體激死教練

韓國電影《Dream》由票房大收1.2億美元(約9億4千萬港幣)的《炸雞特攻隊》李炳憲導演執導，並搵嚟朴敘俊、IU(李智恩)主演。本來2020年5月開機，預計2021年前往海外取景，因為一個新冠肺炎，搞到要停機至去年3月才重新拍攝，並在4月殺青。估計導演本來打算趕及去年世界盃熱潮上映，可惜新冠肺炎搞足三年導致上映日一再延期。今日電影海報及預告公開，鐵定在4月16日在韓國上映，希望香港都有得睇啦。

朴敘俊、李導演及IU。

IU飾演滑牙PD。

朴敘俊飾演足球員。

先導海報好Cute。

今日電影海報曝光。

仲有預告添。

《Dream》 是李秉憲導演相隔四年的新作，賣點是朴敘俊及IU首度合作，電影以2010年大韓民國首次出戰世界盃的真實故事爲主題，講述足球選手「弘大」(朴敘俊飾)，遇到職業生涯最大危機而被懲戒，半強制性擔任臨時組成的足球隊教練，帶領一群成世未踢過波的國家特別選手踢進世界盃，但隨住時間流逝，弘大開始信任球隊並認真指導。

朴敘俊被迫擔任臨時組成的足球隊教練。

咁招積嘅。

睇佢幾肉緊。

睇嚟入到波喎。

留意射波嘅係朴敘俊。

佢個表情好好笑。

而IU就飾演做到冇晒火的電視台PD「素敏」，佢夢想通過製作呢支雜牌軍足球隊的紀錄片一舉成功。另外李玹雨飾演球隊主力球員金仁善、資深綠葉高昌錫飾演隊內氣氛製造者全孝奉，曾跟導演合作過《炸雞特攻隊》的李荷妮、許俊碩，以及姜河那都有參與演出。

IU為雜牌軍拍攝紀錄片。

睇嚟佢好頭痕。

佢係電視台PD「素敏」。

高昌錫飾演隊內氣氛製造者全孝奉。

李玹雨飾演球隊主力球員金仁善。

《星島頭條》新網站有更多精彩內容：http://www.stheadline.com/