請1日假去旅行｜李芷晴遊泰晒比堅尼露4吋事業線 孖何沛珈做SPA騷玉背
2023-03-12 12:30 
由《香港小姐再競選》冠軍及亞軍的何沛珈（Roxanne）及李芷晴（Stephanie）主持的新節目《請1日假去旅行》在正式啟播之前率先公布節目中大量靚相，二人到泰國享受陽光與海灘，當然不少得比堅尼上陣，相當養眼，另一方面，當然不少得女士到泰國必做的SPA晒背行程！
兩位靚女為了這次旅程獻出多個第一次，包括首次出埠工作、首次穿泰服等，而最怕畀人摸的李芷晴，更會獻出人生首次 Spa。去得曼谷當然要吃好東西，兩人會為大家推介當地著名美食及食店，包括獲米芝蓮推介的「媽媽麵」，及由舊飛機改造而成的食 Fine Dining 餐廳等，相當吸引。曼谷天氣熱辣辣，何沛珈和李芷晴齊齊換上泳裝，於酒店的泳池沐浴陽光，兩位女神大晒美好身段，畫面養眼。
【點擊睇何沛珈李芷晴節目派福利】：
李芷晴、何沛珈受訪時透露今次準備了 5 套泳衣，李芷晴笑言拍泳裝畫面有點擔心：「因為最後一日先拍泳裝，而泰國啲嘢食實在太好味，真係忍唔到口，所以都驚會有肚腩仔！」何沛珈則事前做足準備：「最擔心嘅嘢就係過年之後食多咗，去之前嘅一個星期就戒口食清啲同埋做運動，仲帶埋跑步套裝諗住有時間就跑吓步去水腫，不過因為拍攝行程緊湊，所以都完全冇時間去跑步，但係其實每日行咁多路都已經好足夠。」何沛珈又分享去水腫貼士：「就係着泳衣之前浸一浸浴！」除了泳裝，兩人的校服 Look 亦勁 Pure 勁 True，期待指數爆燈。
提到人生首次做 Spa，李芷晴笑言最怕被唧及怕痛：「以前細個都有跟屋企人試過揼骨，但就係咁喺度笑，笑到停唔到，最後畀媽媽嫌嘈趕走咗。今次做 Spa 係比較溫柔啲，比我想像中舒服好多，開頭掂我時有少少尷尬，但因為太舒服，慢慢都享受咗。」自稱是「骨精」的何沛珈則首次體驗泰式Spa，她說：「曼谷嘅 Spa 啲環境同埋性價比喺香港好難搵到，嗰度嘅地方勁大、裝修超靚。」
【點擊睇李芷晴及何沛珈之前分享的泰國遊花絮＋靚相】：
講到與李芷晴合作，何沛珈坦言感到十分舒服和合拍，她說：「我哋一齊經歷過比賽，所以雙方都好了解大家，我哋嘅性格係一凹一凸可以互補，成件事出嚟都好閨密，希望觀眾都鍾意我哋呢個組合，亦都想呢對姊妹花可以拍多啲旅遊節目。」李芷晴則透露和何沛珈每晚都會敷住面膜傾偈，經過今趟旅程兩人的感情和默契都提升不少。
【其他閱讀】：
73歲劉松仁精神奕奕為愛犬切蛋糕慶生 身材日漸消瘦粉絲憂心健康
郭可盈林文龍結婚19周年維港景前甜蜜合照 高貴母親罕同框贈水晶比翼鳥留17字祝賀
「最美亞姐」楊恭如近照曝光 年近半百零走樣仙氣依舊 網民敲碗求拍劇
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應