容祖兒遇劫遭賊仔扑爆車窗搶手袋司機衝落車喝罵賊人

2023-03-08 19:13

容祖兒日前正式啟動《Pretty Carzy演唱會世界巡迴演唱會》，她先後去過馬來西亞、大西洋城，拉斯維加斯，溫哥華和多倫多等地演出，今日出發往新加坡舉行2場演出，下月又會到澳門舉行八場《 Eternity演唱會》，下半年會去澳洲，提到早前在美加巡迴，祖兒表示有很多難忘回憶，亦發生小意外插曲。

【點擊睇容祖兒靚相】：

開騷期間，容祖兒難得有時間休息，她在多倫多看了BLACK PINK演唱會，又在LA看了The Weeknd演出。

容祖兒稱The Weeknd的八萬人演唱會令她覺得震憾：「入到去個場，我坐喺下面望上去觀眾席，覺得人群好似坐喺天際一樣。佢哋把聲又有感染力，現場氣氛又好，最驚嘆係咁多人都秩序良好！」

容祖兒笑稱見到即將誕生的明日之星：「我喺加拿大仲去咗兩間著名大學，佢哋搞廣東歌比賽，邀請我去做頒獎嘉賓，班小朋友又年青又有活動，個個都對唱歌好有熱誠，仲有好多人同我講，即將返來參加《全民造星5》，我都有叫佢哋加油呀，可能好快喺係香港樂壇見。」

祖兒話每次都吸收及有新領悟，學到不少東西。

喺美加巡迴畀人偷嘢，好彩冇唔見passport！

最緊要人冇事喇。

祖兒又稱在英國最開心是見老朋友黃偉文

朋友見面當然開心。

祖兒話：「Wyman好好，畀咗好多意見我！」

成日周圍去。

$仲相約了作曲人翁瑋盈一起在英國飲茶。\$

仲相約了作曲人翁瑋盈一起在英國飲茶。\

翁瑋盈個BB已經三歲幾！

好可愛

好可愛！

表情多多！

容祖兒說：「因為等上機有幾個鐘，於是我哋就喺機場附近食嘢，冇諗過返嚟嘅時候，發現接我哋架車喺我坐嘅位置嘅車窗畀人打爛，搶走咗我嘅手袋。」祖兒謂其實司機一直在車上，但當他反應過來時，只來得及下車喝罵打爛車窗的賊人，保住了大家的所有行李，但保不住她的手袋：「個袋係新嘅，係我好朋友送畀我，裡面有證件，少少現金，好彩我嘅passport喺身上，就算冇咗身份證可以上機返港，如果唔係就慘！」

而最令她感動的是，好朋友知道這件事之後，竟然馬上又寄了一個一模一樣的新手袋送給她：「我真係很感動，大家都係話，最緊要人冇事喇，所以今次喺巴黎去倫敦，我哋坐火車都好緊張自己行李。」

容祖兒又稱在英國之行最開心是見到老朋友黃偉文，更相約了作曲人翁瑋盈一起在英國飲茶：「《Pretty Carzy 演唱會》嗰陣，翁瑋盈個BB仲喺佢個肚裡面，依家再見已經係一個三歲幾嘅小朋友，見到面大家都感覺時光飛逝，好珍惜可以相聚光陰。Wyman好好，畀咗好多意見我，上次演唱會都係佢做形象總監，今次我都照佢意見，去睇咗好多靚衫，為嚟緊嘅的演唱會準備。」