王賢誌（Vinci）去年底炮製的配對真人騷《仔仔一堂》，令十二位仔仔備受關注，社會對性小眾的世界亦有更深了解。他乘勢簽下十二子，最近更推出慈善寫真集《Pride in Action》，內有不同風格的靚相，要肌肉有肌肉，要型格有型格。
「大家都開心有呢個機會嘗試，寫真喎！我後生都想出，但冇人幫我出。」王賢誌笑說。
坐在他身旁的仔仔Juzco聽見，即刻質疑：「你後生想出，有冇人想買先得o架？」
雖然王賢誌遇着頂心杉，但嘻嘻哈哈互窒又一天。他們十三人一條心，目的只有一個：分享愛。

訪問中，王賢誌（前排左二）只帶七位仔仔到場，互笑互窒已經火花四濺，笑聲不斷。

互笑互窒

王賢誌的十二位仔仔，來自各行各業，夾時間工作難度高，像訪問這天，他只能約到Juzco、Ray、Kenny、Nelbon、Howard、Hoho和Felix到場。他直言十二子的難湊程度，超乎他想像：「我哋有個group chat，有咩就擺落去傾，但佢哋唔係即覆，搞到我要私下再打畀佢哋，有啲又要o氹吓、逼吓。希望佢哋快啲覆，等我冇咁辛苦，呢幾個月把聲沙咗好多。」
Juzco聽見投訴，立即反駁：「你send出嚟嗰啲係成版紙，當我哋有嘢做時，好難睇晒。」Kenny亦附和：「就算語音訊息，佢都係兩、三分鐘嗰啲。」
被圍剿的王賢誌，大嘆新一代難服侍，不喜歡睇字寫字，所謂的忙也只是打機，他笑言：「我唔講嘢就最好。」
寫真集內有十二子的獨照，又有不同組合的合照，全部由王賢誌根據他們的性格和適合的造型而策劃，難得眾人無異議，Howard說：「任你魚肉呀！」
十二子放膽去試各種造型，部份人更要晒肌肉，但拍攝時偏偏遇上新冠肺炎最嚴峻之時，健身室全部關閉，令他們想操肌保持最佳狀態，也有難度。Felix惟有落公園健身加節食，Hoho則在家中舉啞鈴：「未必最弗，但唔緊要，咪展示真實一面畀大家睇囉。」

憑真人騷《仔仔一堂》上位的仔仔，個個package不俗，寫真集有他們晒肌型格的一面，而收益會撥捐五間支援LGBT（彩虹族群）的機構。

他們穿底褲在河邊玩，直言毫不尷尬，「自己屋企條泳褲仲性感啦！」

雖然Kenny（左）笑伴侶Ray擺甫士「智障」，但二人其實好sweet，已認定跟對方長相廝守。

Kenny大方露點晒肌肉，又和熱戀中的Ray鼻尖貼鼻尖食雪糕，閃爆眼球。

身形最好的Hoho﹙右﹚，和Nathan在被窩中打鬧，引起對方出現「反應」

Howard（右）笑言和Carson在草地和水中來回拍攝，感覺並不好受，「腳下好多泥濘，好似踩屎。」

Louis（左）和Andrew交足戲扮情侶，前者更因IG多了八倍粉絲，和Juzco獲頒「社交媒體風雲榜」的風雲人物獎項。