專欄｜柏林聯爭冠當「仁」不讓
2023-02-26 13:00 
愛隊車路士上仗連榜尾嘅修咸頓都贏唔倒，下半場撳住對面嚟打，控球率七成三，射門十一次，就係入唔到波。等於你好博命做一件事，試盡咩嘢嘅方法，結果都係得個桔。呢次球員嘅信心危機，相信唔係咁易搞得掂。嚟緊倫敦打吡作客近期回勇嘅熱刺，縱使近五次作客都無輸過，但以近況嚟講真係不容樂觀。
德甲嚟緊會上演拜仁慕尼黑對柏林聯嘅前列大戰，依家呢兩隊同多蒙特同分，形勢非常緊湊。拜仁上場打少個之下畀「剋星」慕遜加柏搶走三分，隔兩星期後先有歐聯踢，今場相信會格外落力。今次艾爾最擔心嘅地方唔係後衞烏柏美卡奴停賽，而係沙迪奧文尼仲未復出，拜仁依然無一個穩妥嘅九號位人選，加埋拿格斯文好鍾意不斷試陣，對住防守咁硬淨嘅柏林聯，未必踢得咁輕鬆。
當然，柏林聯亦試過突然大敗畀利華古遜同弗賴堡，上季亦試過作客吞拜仁四蛋。不過，柏林聯呢兩季不斷進步，球員收購洽當得宜。上場歐霸賽事好早階段領先，好快換走晒主力。今次作客安聯球場，讓球受讓球半兩球咁多，除非心態上唔想同拜仁硬撼，否則讓球[+1.5/+2]客勝絕對買得過。艾爾
立即下載 | 全新《星島頭條》APP : https://bit.ly/3yLrgYZ
關鍵字
最新回應