最索經理人丨林寶玉簽才華「小鮮肉」撼MIRROR 赴韓國入貨被朋友懷疑去整容

2023-02-24 21:45

亞姐兼「最索經理人」林寶玉（Connie）、胡曦文及練樂儀等今日到上環出席藝術工作室開幕典禮，剛從韓國返港的Connie表示今次主要去當地工作，皆因本來幫她製造面膜的廠商停產，故今次要到韓國找尋新的廠商，做面膜起家的Connie表示除了會每日敷面膜外，亦會研究更多方法令皮膚變得漂亮，Connie又笑言當朋友得知她去韓國後，卻懷疑她到當地整容。

林寶玉啱啱喺韓國返港。

朋友取笑林寶玉去韓國整容。

林寶玉、胡曦文及練樂儀等出席藝術工作室開幕典禮。

「最索經理人」林寶玉有好多性感靚相。

林寶玉身材好正。

不會放棄個人演藝事業

近日成為亞洲心動娛樂項目經理的Connie又透露剛簽了一名男新人：「都想向男士方面發展，之前係女藝人，所以嚟緊方向係想試男仔，暫時簽咗一個，training緊，遲啲都會公開畀大家睇。（小鮮肉？）都係，都幾有才華。」雖然有意發展男藝人，但她指不會忽略本身有的女藝人。問到是否想撼MIRROR，Connie說：「我面試嗰陣，我問佢哋想成為一個點樣嘅藝人時，佢哋都會話梗係想好似MIRROR咁紅，好多人都真係以佢哋為準則同目標。」並透露已簽的男仔白淨又怕羞，而另一人則能歌善舞及可以自編自導自演，非常有才華。雖然身兼經理人身份，但Connie就表示不會放棄自己的演藝事業，稍後亦會到馬來西亞登台，所以也會努力練習唱歌。

似翻版陳法拉，笑容甜美。

林寶玉係薛影儀經理人，為她出心出力。

簽才華「小鮮肉」撼MIRROR。

胡曦文今年開10間新店
另外，胡曦文表示在三月中會在尖沙咀開新店，而新店所有事情也是由她一手打造，所以忙到失眠。胡曦文指因為疫情放寬後看好市道，所以預計今年會在亞洲及歐洲開設多10間新店，而今次新店她加入更多產品，令店舖變得更多元化：「我品牌本身個概念係你望落去好貴，但其實唔貴，因為我好想多啲人可以用一個唔貴嘅價錢去買一件好想買嘅產品。」