星8卦｜「王子」惡死橫行 對住父母超級孝順 娶老婆首要兩老Like

人不可以貌相，咪以為「王子」個性冷淡，去到邊都係怕醜仔，但自從跟咗「M君」之後，身家厚好多之餘，亦成為業界有勢力人士。

「王子」出身真係麻麻，老豆同阿哥都惡死到係人都怕咗佢哋，樓上樓下未俾三父子鬧過，最恐怖係齊心出手，打遍自己住嗰區，後嚟「王子」做咗知名人士，自然唔敢太放肆，要顧下公眾形象。

「王子」無論幾成功，對於屋企佢真係好盡心盡力，尤其錫阿爸阿媽錫到燶。咁多年「王子」媽都希望見到乖仔娶老婆生個孫俾自己抱，點知佢就好似浪子咁年年換女友，仲要愈換愈後生，依家嗰位細王子20年，「王子」媽唯有安慰自己可以有排生。「王子」對佢啲女人一向好照顧，初戀女友到依家仲俾生活費，有情有義。唔單止咁，佢生命中最重視係屋企人，自細都同老人家一齊住，今日有名有利，都要自己嘅女人明白呢點，之前有位模特兒咁靚嘅「姐姐仔」，王子一心都諗住娶入門氹下老人家開心，點知「姐姐仔」死都唔肯同兩位長輩住，話唔慣屋企有外人，「王子」咪二話不說叫姐姐仔死開。

不過後嚟「王子」都唔敢搏，決定買埋隔離個單位，分兩個門口出入，但一有時間就叫阿媽煮飯，啲女人唔鍾意都可以收埋係另一間屋，因為幾千呎，唔怕無空間吖嘛。

【相關文章】：

星8卦｜「白鴿」嫁入豪門勁刻薄 工人日日自備乾糧開餐 月薪7萬冇人肯做

星8卦｜「巴辣」用錢縱壞女兒變港孩 老竇地位低冇Say寧願做鵪鶉

星8卦｜「潮女」慳家換「長輩級」形象指導 為細路唔介意成身土味

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ