Lokman憑《命案》首參加柏林影展 60年代影院睇首映興奮打冷震
2023-02-20 17:45 
影帝林家棟首度與人氣組合 MIRROR 隊長 Lokman (楊樂文) 合作的《命案》，電影創作團隊昨天 (19日) 出席了柏林影展的世界首映。
導演鄭保瑞繼電影《智齒》後，以《命案》再度參選柏林影展，他表示：「好開心能夠帶《命案》來柏林電影節同國際嘅觀眾見面，睇到好多記者朋友同觀眾對《命案》都好感興趣，亦對 Lokman 同家棟嘅演出表示讚賞。對於這部電影，係一個非常好嘅開始，希望之後會走得更好更遠！」
同為《命案》及《智齒》男主角的林家棟出席柏林影展紅地氈時表示：「多謝導演同電影公司，讓我能夠遠赴柏林，出席《命案》嘅國際首映禮，能夠參與其中，確實與有榮焉，衷心祝福導演再創佳績。」Lokman 對於《命案》能入圍被譽為歐洲三大影展之一的柏林影展，感到喜出望外：「今次嚟到柏林影展，有幾樣嘢好深感受。其中喺訪問嘅時候，聽到瑞導同家棟嘅對答，聽到佢哋對電影嘅深入、着迷，都令到我諗得更多。真心嘅，唔係擦鞋，唔係吹水！另外就係世界首映嘅戲院，係60年代嘅建築，嗰種濃厚嘅味道令到今次影展之旅嘅儀式感加強幾倍！最後就係喺一個幾百人嘅影院入面睇住自己嘅演出，結局之後打咗一個好長、好特別嘅『冷震』。知道可以參與柏林影展，係有一種驚喜開心。完成柏林影展，係有一種幸福。」
《星島頭條》APP經已推出最新版本，請立即更新，瀏覽更精彩內容：http://www.stheadline.com/
最新回應