62歲傻姑陳安瑩娃娃臉保養得宜客串劇集勁驚喜 背景超猛有「黃飛鴻」做契爺
2023-02-08 15:00 
陳湛文擔正演出的ViuTV新劇《殺手廢J》已經於周一（6日）首播，首集播出已經有驚喜，今次找來有一段時間未有劇集出街的資深演員陳安瑩客串演出，故事提到她搵陳湛文殺人，完成任務後，陳湛文上門收錢，但陳安瑩欲「走數」兼寸爆說：「我話之你啦！總之我臨尾問多你一次，你話咁多已經夠，唔使再畀！」鬧爆的陳湛文臨走前開槍，打傷了陳安瑩小腿！結果事後「殺手經理人」羅永昌殺到，要陳湛文向陳安瑩道歉，最後又不歡而散！事後陳湛文在社交平台貼上兩人的合照並說：「我能遇上安瑩姐，對戲，坦白講我覺得好有親切感，因為細細個睇佢做戲時已經好鍾意佢嘅能量，真人把聲、用聲都靚到不得了。」網民亦留言說：「好戲嘅，短短幾句對白已表露無遺」、「傻姑係好戲嘅」、「今晚睇你兩位呢場戲，唔知點解腦中浮現《買兇拍人》嘅feel」！
【點擊睇陳安瑩曾演出劇集的造型相】：
原來現時62歲的陳安瑩是粵劇名伶鄧碧雲契姨甥女、關德興契女，曾以丁艷作藝名成為粵劇童星，跟關德興夫婦合演多齣黃飛鴻系列電影，她曾經在訪問上表示，自己憑實力加入TVB而並非靠人事關係，雖然媽媽是鄧碧雲媽媽的契女，從小到大都稱呼鄧碧雲做「碧姨媽」，6、7歲時又跟關德興上契，所以她老早就已認識一班大人物：「當時『碧姨媽』拍緊《季節》，離遠見佢喺廠頭，我就喺廠尾走，一路都冇人知我同佢嘅關係，過年過節去佢屋企，佢會同我阿媽講『點解我眼尾睄到佢，佢就走咗嘅？』可能佢知道我唔想畀人知道我哋嘅關係。我由10幾歲開始反叛，所以有咁嘅心理，因為我唔想靠人事，所有嘢都係靠自己打拼。喺我立場，我冇介意過演乜嘢角色，我覺得我係對工作盡責嘅人，我冇野心，如果我有野心，我就唔係而家嘅我，如果你嗰1%發揮到光芒，就已經蓋過嗰99%。」
陳安瑩先後演出超過100部劇集，從可愛的小妮子與劉德華、張國榮、梁朝偉合作，到變成媽媽、清潔阿嬸甚至掃地工人，不過她一點不介意當醜角，反而因為太愛演戲，寧願犧牲身形：「我娃娃臉同唔高，惟有食肥至適合有老公同小朋友，咁先有戲拍。我覺得無時無刻都要進步，做甘草都唔可以脫節，最重要唔好睇低自己。其實甘草唔易做，要記到對白同頭腦清晰，觀眾畀我由年輕演到去甘草都值得驕傲。」
至於感情方面，原來她本身有一個拍拖超過40年的男友，她曾稱本身性格熱愛自由，所以沒有結婚念頭：「以前阿媽話黃大仙叫我30歲前唔好結婚，過咗30歲結乜鬼婚，結唔結冇所謂，唔覺得要畀咩嘢名份，活得開心先重要，而且我從冇想過生孩子，所以冇壓力。我成日同男朋友講，唔同我一齊，鍾意咗第2個都冇所謂。有人煲湯、照顧佢，點解唔愛屋及烏？」
【其他閱讀】：
給十九歲的我｜張婉婷遭「前PA」千字文爆刻薄內幕 貼錢做阿四慘過撈亞視
張致恒欠債連累老婆IG被轟炸追數兼數臭 雯雯發長文割席明言冇錢還
樂易玲豪宅開P慶元宵星光熠熠媲美台慶 JW笑住現身未受男友破產影響
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應