金像獎2023｜余香凝睇好王菀之奪女配角預告同老公行紅地毯：佢而家已經做facial

2023-02-07 22:30

余香凝（Jennifer）今年憑《緣路山旮旯》入圍金像獎最佳女配角，日前她的經理人公司天下一將士與Jam Cast舉行春茗，工作人員特別準備了蛋糕及乳豬，慶祝余香凝角逐金像獎女配角，同時預祝三月星辰廖子妤 (Fish)生日快樂，廖子妤今年的生日願望最希望好友能夠在金像獎中得獎，認真姊妹情深！

【點擊睇春茗場面】：

余香凝（Jennifer）今年憑《緣路山旮旯》入圍金像獎最佳女配角。

陳穎欣（Yanny、右）、吳嘉禧（Cheronna）

齊齊慶祝余香凝角逐金像獎女配角，同時預祝三月星辰廖子妤 (Fish)的生日。

好姊妹。

余香凝話今年是豐收的一年。

余潔滢（左）、李月兒

廖子妤笑言是人生顛峰期，感覺過去一年似行運。

過去一年，余香凝和廖子妤都是豐收的一年，前者有三套電影上映，成功入圍角逐金馬及金像獎獎項，而後者去年不單奪得金像獎最佳女配角，有份演出的電影《梅艷芳》及《毒舌大狀》亦叫好叫座，難怪廖子妤笑言是人生顛峰期，感覺過去一年似行運。因為工作關係，兩人見面時間相對減少，但無礙她們的姊妹情，余香凝說：「今年我哋係少咗傾偈，所以一約食飯，我哋由中午開始，一直傾到夜晚八九點。」廖子妤則由對方18歲認識至今，見證了大家的不同階段，感覺有趣，她笑言更希望見證大家一起老花。

廖子妤表示今年的工作已排到八月，剛完成一部舞台劇的她，期望可以多再接舞台劇：「雖然排舞台劇好攰，但學到好多嘢，喺能力、情緒各方面都好似急速成長；而我今年希望打破之前話唔唱歌嘅說法，接觸吓唱歌，睇吓公司畀唔畀。」此外，余香凝被問到得獎信心，她說：「做人要有信心，不過我都有睇其他入圍演員嘅演出，個個都好好，我特別喜歡王菀之，所以無論邊個得獎都係實至名歸；今年我會帶埋先生一齊行紅地毯，佢好緊張，而家已經做咗幾次facial。」

同場有不少同公司的藝人出席，包括有陳穎欣（Yanny）、吳嘉禧（Cheronna）、麥子樂、徐頴堃、余潔滢和李月兒等等，吳嘉禧稱今年會繼續錄歌推出更多作品，而陳穎欣將在五、六月開拍電影，她指角色非常新鮮，令她甚為期待。