Ian 現身商台200 Fans霸晒成條廣播道自爆今年推出跳唱歌

2023-01-26 16:35

陳卓賢(Ian) 日前推出今年首支單曲《再見寧靜海》，今日(年初五），Ian到商台接受《叱咤樂壇》訪問，吸引大批Hellosss（粉絲暱稱）在商台門口守候。

大約中午兩時，Ian完成訪問後步出商台，現場所見商台門外有逾兩百粉絲等候，幾乎霸晒成條廣播道，場面非常墟冚。向來寵粉的Ian冇立即離開，更主動走向粉絲，不少粉絲伸手穿過鐵閘，向他揮手，並遞上其品牌的衣服及帽子等，Ian 都有求必應逐一簽名，更有熱情粉絲衝入商台，在停車場側邊瘋狂影相。而Ian 亦在IG限時動態轉發與謝茜嘉和梁文禮的合照，表示：「好開心可以上嚟傾計，多謝」，更叫Hellosss們要注意安全：「Happy to see you all! 不過要記得注意安全，同埋避免影響到場地同埋職員工作」。

在訪問中，Ian透露農曆新年假期都在家中陪伴家人，更為父母下廚煮了燒雞；至於今年在「叱咤」掃了兩個大獎，Ian坦言事前沒有心理準備，只以一個觀眾的心態去參加頒獎禮，但當宣佈得獎時，他雖然故作鎮定，但其實內心很澎湃，更緊張得連續兩次上台也忘記答謝父母。Ian又透露2023年大計，表示今年的5首個人作品將陸續推出，更大爆當中有跳唱歌，令一眾Hellosss都非常期待。