新春開工收金牛大利是遭網民質疑 的哥公開暖心故事......｜Juicy叮

有的士司機新春開工大吉發了新年財，將收到的金牛大利是上載facebook專頁同樂，獲大讚「兔年行大運」的同時也惹來不少葡萄目光，質疑千元利是的可信性，樓主於是公開收大利是背後的暖心故事。

樓主昨日（23日）下午上載背景為錶頭車費161.1元的千元利是相，留言「專貴客人上車係唔同啲，一對恩愛老人家」。帖文一出隨即獲網民回應「恭喜師兄」、「即刻精神曬」、「兔年行大運」、「新年財」等。但也伴隨不少質疑之聲「會唔會有人信」、「係咪自己屋企人」、「車自己父母就有可能」、「係咪畀錯」、「老人家畀錯咗」、「老人家錯認利是封，拎錯咗！三唔識七，畀100元就大把人信」等 。

的哥新春開工收利是及網民回應：

樓主亮出金牛利是，留言「專貴客人上車係唔同啲，一對恩愛老人家」。網上截圖

 

面對質疑，樓主公開箇中原委。網上截圖

另一位的哥上載相片，發文指「初一開工，多謝！4位富貴貴客」。網上截圖

有的哥展示收到的「十蚊雞」歐羅利是（拆合約85港元）。網上截圖

的哥展示開工所收的利是。網上截圖

有的哥展示紅衫魚利是。網上截圖

的哥展示開工所收的利是。網上截圖

網友指「三唔識七會封$1000？搵鬼信」。網上截圖

網民質疑另一亮出金牛利是的的哥，指「你燙直咗張銀紙？無摺嘅」。網上截圖

面對質疑，樓主指「唔信都冇辦法」，並公開箇中原委：「事緣係咁的，一對老人家坐住輪椅等咗半個鐘都無人停去做，之後我就接截佢哋，九龍紅隧返香港仔，之後佢就話我好好人就畀咗封利是我」。

樓主一番話獲網友力撐，指「我絕對相信，因為未做過輪椅車司係唔會明的。輪椅車客人對司機係叫車長，普通車D客叫你做的士佬」；另有人指「全世界都唔會信，但我信，因為試過」、「我又信喎」。

網民：畀50蚊利已非常濶佬

另一位的哥也上載相片，發文指「初一開工，多謝！4位富貴貴客」，4封利是分別為1000元、500元、100元和20元。有回應的網民指「畀50蚊利是已經非常濶佬，仲同你三唔識七做乜要畀$500、$1000利是你」、「琴日我都收咗1000蚊， 其實係個客當咗100蚊，我畀返咗個客， 揸住同佢講1000蚊嚟㗎喎」。

另有人細心看相片後指「燙直咗張銀紙？無摺嘅」、「都唔想話你做假，咁大張金牛同500蚊用咁細個利是封，兩張銀紙一啲摺痕都無，「大佬做假都連下戲丫」。

更有網民想到「以後農曆新年要加車租！」，並表示「唔曬錶頭，曬利是封，呃人租車？」、「好多車冇人租咪諗計氹人出嚟開工囉」。至於其他上載利是相片的行家，有人展示收到「十蚊雞」歐羅利是（拆合約85港元），另有紅衫魚利是。

帖文來源：的士司機資訊網 Taxi

同場加映：

Juicy叮｜一擲千金搭巴士 網民估：啱啱對六合彩中咗8000萬：https://bit.ly/3Xx5ZxV

不是眼花，巴士錢箱驚現一張對摺的金燦燦「金牛」。轉載相片的網民驚問「有咩驅使你上到巴士之後發現自己得一張金牛，唔係選擇落車搭的士而係一嘢抌落錢箱？」，並hashtag「#真心幾型」和「#終於唔係畀幾蚊扮大爺了」。

錢箱情況及網民回應：

巴士錢箱出現一張對摺的金燦燦金牛。網圖

有網民指「我以前喺愉景灣揸機場線就試過， 係啲酒店客嚟」。網上截圖

網友指「懶係型，條友轉頭抄車牌去巴士公司攞返啦」。網上截圖 ​

網民笑言「上車，敲鐘，大叫：呢round我嘅」，但司機可能指「唔夠數萬歲」。網上截圖

有網民編出了個愛情故事。網上截圖

同場加映：

「肉兔男」驚現旺角賀年 露點妖爆跳扭Pat舞｜Juicy叮：https://bit.ly/3kFEWSk

新春佳節網絡瘋傳旺角出現「肉兔男」賀年，該男子在大年初一赤裸上身穿緊身紅色熱褲，配紅色手襪和高跟長靴，手執「碌柚」，背紮大紅蝴蝶結及腰繫一大串爆竹，非常搶眼地在旺角警署對開的馬路上，「妖爆」跳扭Pat舞，跳到瞓地。

有網民年初一在港鐵太子站外野生捕獲「肉兔男」，現場對出為旺角警署。

「肉兔男」大展舞姿。

「肉兔男」過馬路時大跳扭Pat舞。

「肉兔男」赤裸上身穿緊身紅色熱褲。

「肉兔男」配紅色手襪和高跟長靴，手執「碌柚」，背紮大紅蝴蝶結及腰繫一大串爆竹。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ