經理不滿僅獲加薪$XX批侮辱 一舉動嚇窒全場同事｜Juicy叮

打工仔的最大心願相信是升職加薪。不過，有打工仔則分享指，公司的全體員工一律獲得加薪，但是對於加薪金額卻感到不滿，而經理則批評是侮辱性加薪，隨後更做出一個舉動嚇窒全場同事。

該名打工仔日前向facebook專頁「辦公室日報」投稿，提到公司在去年年尾宣布加薪，並指往年加薪金額會因應員工表現而有所不同，「最廢同埋成日請假嘅同事都有$250，我自己就加咗$500，有人加$1000」，不過今年卻劃一加薪50元。樓主指，同事對於金額均感到不滿，而經理當時更大聲地直言「其實公司咁樣即係侮辱性加薪啫！」

樓主分享及網民回應：

打工仔指，員工一律獲得加薪50元。示意網圖

經理則批評是侮辱性加薪，隨後更做出一個舉動嚇窒全場同事。示意網圖

有人笑言，「儲埋佢可以買樓」。FB截圖

有人批評樓主公司的做法。FB截圖

有人直言，「$50，食個lunch都唔夠，齊頭$500都無咁嬲」。FB截圖

有人則猜測經理可能是得知內情才會如此生氣。FB截圖

樓主續指，經理又向負責派信的人事部阿姐表示，「如果唔加冇咁嬲喎，加$50蚊即係點呀？當我哋乞衣呀？」對方聞言後則回答，「我都係加$50咋」。樓主指，由於經理當時「係動真火兼目露兇光」，所以感覺到人事部阿姐亦感到怯慌，又指「「雖然佢平時唔可以稱得上好惡，但係從未試過好似呢下咁樣情緒爆發」，因此懷疑經理有生活壓力。

相關新聞：

Juicy叮｜中年失業男每日扮返工 寄履歷無回音「仲以為電話壞咗」：https://bit.ly/3H44UYE
Juicy叮｜中年女執公司棄置鞋樣本被撞破 暖心老闆一句話化解尷尬：https://bit.ly/3ZnLOnm
Juicy叮｜部門經理辭職後自願減薪冀回巢 更向前老闆提一自私要求：https://bit.ly/3CuHyZq
Juicy叮｜返工期間炒車需送院 上司一句話令打工仔嬲爆：https://bit.ly/3WWKHcM

樓主指，經理當時詢問「係咪真係人人都加$50先，sales係咪都加$50蚊？」 而人事部阿姐礙於職業操守而未有回答，不過有營業部同事在聞言則回答「係呀，我哋條team都係個個$50，應該全公司都一樣。」經理隨後提出要親自與老闆商討，但被告知老闆當日不會回到辦公室，隨即表示「知道加$50難為情，搵人做醜人去派信，佢自己就避呀？」經理又指，「我唔使佢加$50畀我，公司咁唔掂吖嘛！我人工倒減$50，當我回饋畀公司，就睇下佢知唔知醜！」其後，經理向樓主借了50元，並放到老闆辦公室的桌上，又直言「我擺咗$50蚊喺老細枱面呀，畀X返佢，多謝夾盛惠呀！唔加冇咁嬲，你加$50蚊即係點呀？侮辱我呀？」樓主指，「office裡面其他同事見到佢咁躁，大部分都唔敢講嘢，當然都有人食花生，亦有個別幾個嗌佢唔好咁衝動」，而人事部阿姐則不斷向經理表示，「唔好咁嬲，唔好咁衝動先」。

樓主則指，身邊有朋友未獲加薪，更有人在兩年前因應疫情而被迫減薪，隨後一直未獲加薪至原有的薪金，「所以我呢度加$50你可以話佢衰，但如果要比較的話，同出面compare又好似低處未算低」，但亦認同只加薪50元「有少少肉酸」，並指「就係唔畀好過畀囉，你侮辱人咩！」樓主續指，經理翌日在老闆上班後隨即走進其辦公室進行商討，「佢出返嚟嘅時候又係黑晒面冇講嘢，而全部同事加$50嘅決定亦都冇變」。

相關帖文隨即引起熱議，有人批評樓主公司的做法，並指「個老細真係無腦，話公司唔好境今年都係無人工加，但每人一次過派封500蚊利是當鼓勵好過啦」、「老細咁做擺明同全公司過唔去啦，通常想人哋自己辭職先會用呢招喎」、「$50，食個lunch都唔夠，齊頭$500都無咁嬲」、「50蚊真係侮辱。如果係我都一樣會叫佢X返，唔使加畀我。然後搵工」、「真係唔加好過加，可能減人工都無咁嬲」等。

有人則笑言「儲埋佢可以買樓」、「一年600元，可以食20個30蚊兩送飯」、「有冇謝主隆恩呀」等。有人則猜測經理可能是得知內情才會如此生氣，並指「如果阿ger 本身唔係咁燥底，而佢喺公司又算高級都咁嬲，我會諗佢係咪知公司盤數根本唔係咁差所以嬲」、「應該係個老細答應咗個manager啲嘢，而且公司嘅營業情況係好好」、「位阿ger當時咁大反應，佢應該知多啲嘢所以先咁㷫」等。

帖文來源：「辦公室日報」

 

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ